影片
更多
2008-06-09
479 浏览
早几日老板无啦啦又吹鸡食晏, 地点又系呢间食店, 令到师傅好怀疑老板佢系咪有股份架, 喺理论上冇得拣嘅情况下, 师傅唯有应邀出席, 当食一餐免费午餐啦! 一行六人, 订左位, 今次去到就唔使等, 好快就可以坐底! 于是乎即刻柯打野食, 由于师傅唔知道今次会有咩食, 加上有左上次经验, 所以保险少少, 要个潮州粉果先, 至少都有样潮州野食呀! 等左一阵, 各道菜式陆续登场, 有西洋茶汤, 潮式卤水拼盆, 煎银雪鱼, 沙茶牛肉炒河, 卤水猪大肠, 叉烧包, 春卷等等!先讲下个西洋菜汤, 西洋菜汤好重西洋菜味, 汤底几浓不过就几咸, 要扣下分; 潮式卤水拼盆有鹅片, 鹅件, 蛋, 猪耳同埋豆腐, 鹅片就几瘦, 几韧几鞋, 唔算好味; 鹅件同鹅片一样, 又鞋又韧, 仲有骨, 麻麻地; 而蛋得四件仔, 冇咩特别; 猪耳就几爽口, 味道都唔错, 可以啦; 豆腐就暖暖地, 唔会太咸, 都几好味; 银雪鱼就煎得好香, 冇腥味, 不过银雪鱼就雪得好实, 口感麻麻, 一般; 沙茶牛肉炒河都炒得几香, 唔会太油而牛肉几松, 味道唔错; 卤水猪大肠就几腍身, 好入味, 好似洗得唔系好干净, 有沙, 要扣下分
一行六人, 订左位, 今次去到就唔使等, 好快就可以坐底! 于是乎即刻柯打野食, 由于师傅唔知道今次会有咩食, 加上有左上次经验, 所以保险少少, 要个潮州粉果先, 至少都有样潮州野食呀!
等左一阵, 各道菜式陆续登场, 有西洋茶汤, 潮式卤水拼盆, 煎银雪鱼, 沙茶牛肉炒河, 卤水猪大肠, 叉烧包, 春卷等等!
先讲下个西洋菜汤, 西洋菜汤好重西洋菜味, 汤底几浓不过就几咸, 要扣下分; 潮式卤水拼盆有鹅片, 鹅件, 蛋, 猪耳同埋豆腐, 鹅片就几瘦, 几韧几鞋, 唔算好味; 鹅件同鹅片一样, 又鞋又韧, 仲有骨, 麻麻地; 而蛋得四件仔, 冇咩特别; 猪耳就几爽口, 味道都唔错, 可以啦; 豆腐就暖暖地, 唔会太咸, 都几好味; 银雪鱼就煎得好香, 冇腥味, 不过银雪鱼就雪得好实, 口感麻麻, 一般; 沙茶牛肉炒河都炒得几香, 唔会太油而牛肉几松, 味道唔错; 卤水猪大肠就几腍身, 好入味, 好似洗得唔系好干净, 有沙, 要扣下分; 潮州粉果个皮都几厚身, 味道一般, 冇咩特别, 其他嘅点心都系普普通通, 一般啦!
总括黎讲师傅今次都试到少量潮州菜, 而质素都系一般, 招呼普普通通, 环境又系一般, 而埋单价钱好似唔过六百, 都唔算太贵, 可以啦, 不过今次又系唔使钱, 所以都叫做抵食嘅! 唯一可取师傅相信绝对会系碟前菜(咸酸菜), 味道唔会过咸过酸, 非常醒胃好味, 掂呀! 师傅相信自己就一就唔会再黎, 最好就可免则免, 如果真系要黎嘅话, 一定要免费午餐, 否则就一定觉得好唔抵!
张贴
