影片
更多
2013-04-16
201 浏览
特色嘅薄饼店晌香港可谓不知几多，所以近年必胜客都少咗帮衬，要帮衬通常都喺搞吓大食会时嘅好帮手，仲要多数喺揾同集团嘅PHD外卖速递添。不过，有次就喺请晒啲表姪仔、表姪女食必胜客，索性买咗$500现金券当入会，$500现金券当然即场用嚟找数，入咗会多少有啲优惠，最有用又实际算喺张「夏威夷风光」（细批）赠食券，趁到期前，梗要「嗱嗱淋」用埋先啦。捉埋老婆一齐嚟荔枝角依间必胜客食晚餐，乘机等佢煮少餐，食完仲可以顺路过隔离吉之岛逛吓（依家都应该改口叫Aeon咯）。两口子，已有一个细批垫底，所以我哋只喺点多一个酥皮汤及一客沙律就算，免得食唔晒。环境唔多讲，旧年晌度写过一篇食晏嘅，有相睇知佢个场喺点，反而服务就好过上次，无咁多「骑尼」事。酥皮海鲜汤 $52个酥皮汤唔知整定咗几耐，因为送到嚟个酥皮已经塌晒，少咗份可观性，亦因为塌晒，所以一「笃」酥皮就会浸落啲汤度，可以食到酥皮最松脆嘅顶位就无晒，有啲嘥料。酥皮浸汤嚟食，当好似牛脷酥浸白粥，志在饱肚啲。讲番个海鲜汤，查实用料都唔悭，几多料吓，有虾、鱿鱼、带子粒等等，捞极都有咁，橙红色嘅杂菜鸡汤，都几浓郁，带少少酸，估计加咗啲鲜蕃茄，又可令色泽好睇啲。挪威三
捉埋老婆一齐嚟荔枝角依间必胜客食晚餐，乘机等佢煮少餐，食完仲可以顺路过隔离吉之岛逛吓（依家都应该改口叫Aeon咯）。两口子，已有一个细批垫底，所以我哋只喺点多一个酥皮汤及一客沙律就算，免得食唔晒。环境唔多讲，旧年晌度写过一篇食晏嘅，有相睇知佢个场喺点，反而服务就好过上次，无咁多「骑尼」事。
酥皮海鲜汤 $52
个酥皮汤唔知整定咗几耐，因为送到嚟个酥皮已经塌晒，少咗份可观性，亦因为塌晒，所以一「笃」酥皮就会浸落啲汤度，可以食到酥皮最松脆嘅顶位就无晒，有啲嘥料。酥皮浸汤嚟食，当好似牛脷酥浸白粥，志在饱肚啲。讲番个海鲜汤，查实用料都唔悭，几多料吓，有虾、鱿鱼、带子粒等等，捞极都有咁，橙红色嘅杂菜鸡汤，都几浓郁，带少少酸，估计加咗啲鲜蕃茄，又可令色泽好睇啲。
挪威三文鱼杂果沙律 $68有罗马生菜垫底，加埋啲杂果沙律，仲有士多啤梨、车厘茄、蓝莓粒衬衬色，面头一大箸挪威烟三文鱼，属大堆头之作。杂果沙律较港式，沙律酱捞生果而矣，不过就勾起以前必胜客嘅自助沙律吧，真喺几好玩架，心态唔在乎点配搭先好食，在乎砌得高砌得叻。烟三文鱼大片又落得多，真喺无欺场，记得晌超市见最平嘅都成三十几蚊一包，都喺得𠮶100g咋！如何啲罗马生菜预先以少少油醋捞一捞，相信整个沙律会更好多食，因为啲生菜食起嚟好寡。
夏威夷风光 $99虽然话免费，但堂食都要补番$9.9服务费，可以讲喺无可厚非，只喺有啲啲小家嘅感觉啫。「夏威夷风光」，馅料只有菠萝、火腿、芝士，简简单单，无话免费就将货就价。厚批面包式口感，茄酱底加厚厚芝士，一贯必胜客水准，即喺无惊喜，又唔会太差，做到好「机械式」生产，好少食到佢有咩差错。老婆只喺食咗两件就见饱，为免打包嘥多个袋，小弟包底，哈哈，所以食得我好鬼饱。
行完吉之岛，仲喺肚涨涨，索性由荔枝角行番去美孚，当散步做运动，帮助吓消化啰！
题外话/补充资料：
成张单原价应该收$240，扣除个免费薄饼，实收$130。
(以上食记乃用户个人意见 , 并不代表OpenRice之观点。)
张贴
