影片
更多
2011-04-07
18 浏览
又系一餐老朋友聚聚旧、庆生日嘅饭局，当中多数都系讲健康之人，再者，又要地点方便就脚，度咗几个地方，最后选上住家菜，除咗以前自己都试过，觉我唔错外，都系基于食评偏向好评多，稳稳阵阵咁，希望一众老友食得开心又啱合味！免得到时等位，预早一星期前订位，兼订定阿麻鸡同南瓜排骨盅，因为都算系招牌菜，较抢手，订定稳阵。仲有，订位时问个侍应，因有朋友生日，有无寿包供应，有嘅话谂住留半打贺贺寿星仔女，佢哋饭后送糖水我都知架啦，点知佢话可以安排埋寿包，仲要系免费添，真系无谂过咁窝心！闲日7:30pm去到，竟然坐满，都要等10min添，我哋一共6个人，留咗阿麻鸡同南瓜排骨盅，再叫多一个住家老火汤、两个𩠌同一个竹筒饭，加埋糖水、寿包，应该差唔多够皮！住家老火汤 $45原瓦煲上，一煲够分7、8碗，今晚系木瓜雪耳煲猪骨，虽然无话汤渣另上，但晌煲内都捞到唔少雪耳、猪骨，足料证明；大部份城市人都唔多汤水，虽然感觉唔及屋企煲嘅咁浓汤味，但依个都算系住家靓汤嘅替代品，至少饮落无味精，唔渴喉。阿嫲鸡 $95（半只）闻说系老板嘅嫲嫲做沙姜鸡嘅私房做法，步骤几繁复，点做就唔知，唯一知佢系好似以饭煲焗成，所以做法比较健康，而且，
免得到时等位，预早一星期前订位，兼订定阿麻鸡同南瓜排骨盅，因为都算系招牌菜，较抢手，订定稳阵。仲有，订位时问个侍应，因有朋友生日，有无寿包供应，有嘅话谂住留半打贺贺寿星仔女，佢哋饭后送糖水我都知架啦，点知佢话可以安排埋寿包，仲要系免费添，真系无谂过咁窝心！
闲日7:30pm去到，竟然坐满，都要等10min添，我哋一共6个人，留咗阿麻鸡同南瓜排骨盅，再叫多一个住家老火汤、两个𩠌同一个竹筒饭，加埋糖水、寿包，应该差唔多够皮！
住家老火汤 $45
原瓦煲上，一煲够分7、8碗，今晚系木瓜雪耳煲猪骨，虽然无话汤渣另上，但晌煲内都捞到唔少雪耳、猪骨，足料证明；大部份城市人都唔多汤水，虽然感觉唔及屋企煲嘅咁浓汤味，但依个都算系住家靓汤嘅替代品，至少饮落无味精，唔渴喉。
阿嫲鸡 $95（半只）闻说系老板嘅嫲嫲做沙姜鸡嘅私房做法，步骤几繁复，点做就唔知，唯一知佢系好似以饭煲焗成，所以做法比较健康，而且，食落只鸡唔肥，但入味而且肉滑，唯一唔OK系咸咗同鸡味唔强，否则就无我挑剔喇！仲有，钟意佢只碟，真正「公鸡」碟，不过崩晒就唔系咁好睇。
南瓜排骨盅 $80招牌始终都系招牌，见好几枱都有点，果然系人气。大大个南瓜，去囊、去籽、去晒皮，色泽鲜橙，盛满蒜蓉磨豉炒好嘅排骨，南瓜盅下底再配上翠绿嘅西兰花，单讲卖相已够抢。排骨惹味又够腍，献汁够多，所以，我哋除叫了个竹筒饭外，再追加两碗白饭嚟捞汁食；南瓜蒸得亦够腍，都未使用把刀，用匙羮一轧即开，我几钟意食南瓜，加上南瓜属瓜味浓嘅一类，所以连个瓜盖都唔放过，哈哈！
柱贝鱼汤杂菜煲 $48奶白嘅鱼汤竟然好味过个住家老火汤㖞，一来鱼汤够鱼味又唔腥，二来系带有淡淡瑶柱嘅咸香，意料之外就令到个感觉变得唔普通喇。杂菜分别有：西兰花、绍菜、白菜仔，加埋粉丝、虾干同蘑菇，啲菜唔觉话特别鲜甜，叫做一餐饭总要有啲菜平衡吓，补充多啲纤维素，清淡少油都几好。
老少平安 $48除咗个杂菜煲，散叫得依味，可见我哋尽量食得几清淡！老少平安，非常之家常菜，材料简单，主要就只有豆腐、鲮鱼肉。做法亦简单，板豆腐搅烂，加蛋白、鲮鱼肉，蒸10min搞掂。豆腐营养价值高唔使讲，鱼肉又打得弹牙，配上葱粒、麻油添色添香，要健康其实就系咁简单。
鲍鱼鸡粒竹筒饭 $62以前嚟食过依个竹筒饭，好钟意，所以今次都翻点。卖$62客，唔好以为鸡粒多过鲍鱼粒，饭里面唔系寥寥可数三几粒，实情系有唔少，不过系「鲍鱼菇」粒，唔好见人哋写鲍鱼就对号入座，到时揾唔到鲍鱼粒就一味投诉投诉。饭底炒得够干身，饭粒分明，连同鸡粒、鲍鱼菇粒、鸡蛋，炒得几香，又唔油。个竹筒，觉得装饰多过实际，始终用咗咁多轮，真系写唔出会有咩竹筒香，不过，卖相点都比就咁普通一只白碟上好睇呀嘛，心理上都会不其然觉得好食啲架㖞！
糖水是日糖水系腐竹薏米，同枱有朋友唔钟意食薏米，可惜系无得拣，只有食与唔食。见佢都有啲诚意，腐竹煲到化晒，糖水好香腐竹味，不过只加薏米，我就觉得「寡」咗啲，如果有三几粒白果，再加啲蛋花，好睇之余，味道会好啲。不过，系免费送嘅，我亦唔可以要求多多啦！
寿包虽然系窝心免费送，睇佢有少少甩皮估佢可能系来货嘢，但质素又唔系差㖞！首先个样都似模似样，个个十足寿桃咁，包身都算松软，少少黐牙，莲蓉唔太甜就啱大众口味，都系个句，免费送嘅，都系唔可以要求太多嘅！不过，有一点值得一提，系个侍应提定我，叫我预早通知佢寿包几时出，因为要预时间蒸番，所以啲包一嚟热气腾腾，至少令人感觉新鲜。
整体嚟讲，住家菜真系做到无味精、清淡少油、住家𩠌菜，而服务几殷勤，𩠌菜选择不少（骤眼一望张点菜纸都有成百多款），大部份都系卖$50-$70左右，价钱合理，又唔似一般中菜馆又茶又芥，未见官先打八十，仲送埋糖水、寿包，加番一都系觉抵食嘅，会再帮衬嘅馆子！张贴
