一豆花 (已搬遷) 新店位置

通常我见到有人排队的地方都会走，最怕𠮶种好多人又热又焗嘅感觉，但去到呢到见到条队好似行得好快甘，又只有10几个人，就行过去睇下，原来系派免费豆花，有姜汁同原味两种。所以就胆粗粗排下。初头以为可以排到去拣原味或者姜汁其中一款，但排到嘅时候原来发现姐姐只会比一碗原味嘅豆腐花出嚟，糖水，糖，姜汁全部都系自己加，所以可以按照自己钟意嘅味道而调制。豆腐花装出来都系热辣辣嘅，攞上手仲有少少辣手，咁我就加左少少姜汁，糖同糖水都加左一汤匙左右，食落去啲豆腐花好滑，有豆香味比想像中好好多，而且姜汁嘅味道都几浓，又唔会辣，几好。所以之后自己都买左两碗打包番屋企同屋企人分享。讲真有时呢d试食活动都几好，有得试下味，真系正嘅自然有人会买。