URBAN COFFEE ROASTER (美麗都大廈)

营业中

休息中

记得以前减肥嘅时候，晏昼好钟意嚟呢度食佢嘅藜麦鸡胸肉沙律。今日重回旧地，餐牌上已经冇咗呢一个选择，但系亦都俾咗个机会我试吓其他菜式👍🏻烤澳洲西兰花大啡菇水波蛋酸种多士有时夜晚唔想食得太过Heavy，呢一个绝对系好选择。大啡菇厚身有肉汁，切落去蛋液徐徐流出，湿润嘅口感，并无影响面包嘅质感，特别喜欢面包𠮶种松软感！👍🏻手打安格斯牛肉汉堡配薯条老公系一个汉堡迷，呢度嘅汉堡包超巨份量，中间𠮶块牛肉汉堡juicy万分，加上爽脆嘅蕃茄同蔬菜，口感出色。附上嘅薯条亦都系热辣辣新鲜炸的，食落唔算太油腻，可以点上黑松露嘅酱汁份外美味。👍🏻新鲜青囗配蒜香白酒牛油汁青口酱汁好香，连埋洋葱丝食落滋味，青口肉唔算好大粒，但配上嘅酸种面包多士亦都系画龙点睛之一。👍🏻Mocha嚟得呢度当然要饮番杯咖啡， 最正嘅系转燕麦奶都唔使额外加钱，朱古力同咖啡嘅比例刚好，入口啡味突出，朱古力味浓郁。👌🏻云尼拿士多啤梨批相对地比较迷你嘅甜品，酸酸甜甜嘅配搭，并不甜腻，特别喜欢旁边嘅士多啤梨蓉，可以涂上云呢拿表层夹埋一齐进食。