翡翠冰室

营业中

休息中

翡翠冰室越开越多分店，最耐以前就系呢一间，舖头入面坐位唔算太多所以都预咗要等一阵间，06:00至11:30有早餐供应，大概$32-$36，有好多款选择，除左自选粉面餐，仲有13款常餐任君选择。我今次拣咗酸辣雪菜汤薯粉、煎蛋同奶酱多($32)。翡翠嘅酸辣雪菜够辣好惹味，钟意辣嘅朋友一定要试，同烟韧嘅薯粉系绝配，如果唔钟意食薯粉，总共有10款面底可以拣。蛋亦都可以转其他肉例如肠、火腿、餐肉、烟肉，跟餐多士可以拣油多、奶油多、奶酱多，我今次叫既奶酱多外面烘得好脆，入面好多酱，食得好满足！另外，呢度可以满足到客人好多特别要求，钟意食干身嘅可以叫走汤，钟意葱蒜嘅朋友可以要求额外要，想要煮得淋啲硬啲都可以，值得一赞！