影片
更多
2024-01-04
126 浏览
收到太古城派leaflet开张优惠去咗帮亲，我哋平时饮开凑凑，见新开就去帮亲，之前都听过同事话呢间嘢唔好饮，但我觉得口味系好个人嘅，佢觉得唔好饮，我未必一定会觉得唔好饮。买左2/1嘅优惠饮品7折连珍珠配料，由于之前系凑凑有经验试过加钱要配料回家发现系无配料，呢种情况我会打番电话俾店铺作记录，下次返嚟帮亲唔好收我配料钱，离开间铺之前感觉好似有预感会忘记咗配料，于是我多口问多句，职员话有架。结果返到屋企老公倒出嚟系无配料，我哋习惯咗会倒系自己杯度饮。于是就打番电话去间铺，当日女职员态度其实几好，叫我返转头，我话我已经返到屋企啦，仲走多转？于是我提议我返嚟再帮亲就唔好收我配料钱，咁最公平啦！但个女职员态度好好，一直话唔紧要，明天妳过嚟我哋送返杯俾你，咁于是第二日放工行去拎杯嘢饮，都真系令我大开眼界。个男店长一嚟就盘问嘅姿态问你有无影相留低证据？我话琴日问咗你同事啦，佢话唔晒，妳最好问番你同事啦，费事以为我找笨！然后佢就话佢系店长，要跟流程，又要你签名，又要你目睹佢有摆珍珠，真系人格侮辱啊啊啊。原来你哋系咁对个客，仲要系你哋嘅失误引起，要我走多转!!! 我开头已经话你唔晒免费啦，我比番杯嘢饮钱
最后，杯桂花乌龙茶系ok嘅，好饮的。
张贴