林太叻沙xo魚湯米綫專門店 (已結業)

今日同女朋友两个人系午饭时间去到东大街，见到有一间XO鱼汤米线，就觉得好新奇，想入去试下。入到去，发现餐牌选择唔多，于是就同女朋友分别叫左 喇沙米线 同 酒香鱼汤米线 (似乎无第三样野系米线) 我就食 酒香鱼汤米线 ，一来到见到个白色头底，以为会几好。点知一试个味，d酒味劲重。变到好似饮酒咁，一d鱼汤味都无 都算，米线平平无奇，连谭仔都不如，𩠌就要少得可怜，鱼片系鱼肉切片，有骨，还可以。最可取系炸鱼皮，算系最好味。$38？你唔好玩啦！厨师根本系浪费食物，而且当d客系水鱼。咁我女朋友食个喇沙米线呢？女朋友话唔好食，完全无味，只系得个辣字。都算！最经典系佢果两粒鱼蛋。我试左其中一粒，一阵怪味，口感好似食紧烂肉咁。点解你收$48...可以选用一d咁差的鱼蛋？真系街边食$5 6粒果d都好食过佢几倍 食完，钱就用左$86，但系就一d满足感到无。个米线只系食左一半。我肯定唔会再帮衬呢间野。劝大家都系唔好太大期望。