影片
更多
2011-05-25
10 浏览
几经波折最后终于攞到openrice送既两张 lunch buffet coupon啦,本来谂住上两个星期六去食的,不过因为撞正母亲节coupon停用,跟住就book左啱啱过左既星期六去食啦,同埋家姐妈咪一齐去食,咁就要俾一个人既钱,见openrice有八五折coupon,于是订位问清楚可唔可以一齐用,话可以就一齐去啦.山长水远撘车终于嚟到啦,都几近地铁站的,行一条直路就到, 12:15左右到达,已经开始左啦,不过就唔多人,一边窗是望海的,另一边则是长长的摆放食物既地方,行入去已系寿司,刺身,跟住就系一边水果,沙律,雪糕,生蚝,青口,长脚蟹,热荤,粥,粉面,烧味等等,另一边系甜品.我们坐系中间位置,出去睇下食咩先,首先梗系食生蚝,青口,长脚蟹啦,生蚝细细只的,攞住两只试下先,两条长脚蟹,两只青口,两只虾,生蚝有几种酱的,都系试最正宗的那种茄酱,加些柠檬,好新鲜鲜甜㖞,没有泥味的呀,好味呀,家姐本来都唔食生蚝,见我讲到咁好味都去攞左两只嚟食下,跟住都话好鲜甜呀.青口都系一样好鲜味,没有腥味,长脚蟹好大条架,啖啖肉都好爽甜,好鲜味. 之后两攞刺身又攞左两只生蚝,今次试下芥辣酱先,见食评写过
山长水远撘车终于嚟到啦,都几近地铁站的,行一条直路就到, 12:15左右到达,已经开始左啦,不过就唔多人,一边窗是望海的,另一边则是长长的摆放食物既地方,行入去已系寿司,刺身,跟住就系一边水果,沙律,雪糕,生蚝,青口,长脚蟹,热荤,粥,粉面,烧味等等,另一边系甜品.
我们坐系中间位置,出去睇下食咩先,首先梗系食生蚝,青口,长脚蟹啦,生蚝细细只的,攞住两只试下先,两条长脚蟹,两只青口,两只虾,生蚝有几种酱的,都系试最正宗的那种茄酱,加些柠檬,好新鲜鲜甜㖞,没有泥味的呀,好味呀,家姐本来都唔食生蚝,见我讲到咁好味都去攞左两只嚟食下,跟住都话好鲜甜呀.青口都系一样好鲜味,没有腥味,长脚蟹好大条架,啖啖肉都好爽甜,好鲜味. 之后两攞刺身又攞左两只生蚝,今次试下芥辣酱先,见食评写过话咁食好味,又有另一种风味呀,都好味.刺身都算新鲜.
跟住食左烧牛扒,好淋身好味,唔会好鞋,臭芝士加系d饼干面食,虽然好浓味,不过都好味,另外有一只芝士加蕃茄,ok, 烟三文鱼,另一只系咸咸地既鱼,一般啦,仲有巴拿马火腿蜜瓜,不过片火腿好薄好细片,一般般啦.
沙律选择不多,热荤都麻麻地吸引,有些印度薄饼,咖喱等,天妇罗都唔脆的,一些菜,鱼,鸡之类,麻麻地,有pizza, 干炒牛河,蒸鱼,咖喱鸡等等,还有瑶柱饱鱼粥,加左些配料,油炸鬼,皮蛋,咸蛋都几好味的,有专人现成煮的啦沙面,不过我都冇食,还有pancake的,我也冇食到.
我已好饱,食埋甜品,水果及雪糕就好满足的了,甜品唔系好吸引,选择都唔系好多,试左几种都系朱古力的,但系好甜呀,跟住有食焦糖炖蛋,呢个好滑好味呀,水果有火龙果,西瓜,蜜瓜,菠萝,都好甜㖞.雪糕系movenpick,有人帮你,只点你想食的就ok,我太贪心叫左芒菓雪杷,士多啤梨及云妮拿,好好味呀,好rich,不过唔知系咪食得太多,所以好滞呀!
餐饮系包一杯果汁及一杯热饮.
服务好好,环境都好好,酒店好grand,食物就真的不是太吸引,价钱都唔化算,如果食环境服务系ok的.
张贴
