御膳

营业中

休息中

中秋节就到啦，因为好难就到晒咁多屋企人食饭，所以我哋一早就提早过节。朋友介绍呢间菜馆免开瓶费、切饼费，仲可以自备饮品。另外，upload相上社交媒体，仲有汽水送😳我哋平时食开一般酒楼，都系啲平平无奇嘅菜式，食都食到厌……原来呢度可以按照我哋嘅要求加加减减啲菜式同埋口味。我哋一行人有几位老人家，可以要求佢整得清淡啲。我哋叫咗2斤芙蓉蛋白蒸老虎斑，菜馆已经帮我哋起咗肉，下面仲系炖蛋白，食落啖啖肉，够晒滋味；八宝鸭，好彩我哋一早叫定，因为每日只有五只；腊味糯米饭蒸大肉蟹，有饭又有蟹肉，好鲜味；开边蒜蓉粉丝蒸澳洲龙虾，好多蒜蓉呀，同埋只龙虾好够新鲜啊，正！朋友介绍我哋呢间菜馆真系无错，因为好多嘢唔使加钱！除咗散叫，又有好多套餐选择，小朋友嚟食又唔使计人头，而且呢度主打食海鲜，所以我哋食嘅鱼同埋龙虾都好够新鲜好好食！我哋下次一定会再嚟帮衬！