味口福 (已結業)

收工约朋友食个快饭，平平地，就入去试下~见门口banner都有好多 burger相，咁要试试呢个手打牛肉 + 蜜糖芥末酱肉都算厚，个面包有烘底，仲搽左牛油有一种儿时味道，好似以前游完水既泳池餐厅，又或者好似学校 canteen既味。肉质唔错既，同个酱都夹，肉唔算干，调味也不错。朋友食呢个卤水鸡翼蛋包饭，个样几靓饭里既茄汁略少，唔够味，蛋亦较薄，饭粒较硬，感觉上只米唔多受水。鸡翼算入味，略鞋，咁岩呢只无咩肉，你睇下旧骨几大食食下，有小强系地下行过，不过街坊地方系咁上下喇，卫生扣 d分。总括，加埋杯冻柠茶都唔过一旧水，唔算难食，但好味又讲唔上，性价比合符期望。