影片
更多
2023-03-08
2492 浏览
好耐无约家姐一齐食饭，难得有时间当然要把握时间聚一聚啦~ 去太古城中心接家姐放工之余顺便行街，顺道留意附近有咩食，去到诚品闲逛，发现原来诚品内都有多家餐厅，见到重新开的Pick Coffee by Pokka Café ， Pokka Cafe 真系儿时回忆，以前好钟意食佢啲西餐，见到卡座感觉几舒服，又位于诚品的一隅，有私隐度，所以就决定系呢度开餐。 食物选择一如以往系日式西餐，选择都唔少，最后拣咗： 🥢海盐粟米 一个好惹味的前菜，粟米烤焗过，依然保持粟米本身的清甜Juicy，加上海盐及七味粉，辣辣地几惹味。 🥢红酒烩牛肉半熟奄列蛋饭 食日式西餐时总喜欢叫佢地既蛋包饭，因为觉得整得好靓之余又好食，这个都唔例外，蛋带有蛋香,煎得半熟刚刚好，饭粒粒分明，而红酒牛肉煮得软稔入味，配上一起吃很不错。不过如果系炒饭底我会更开心 🤭 🥢炖煮红酒牛尾意粉牛尾美肥，炖煮得入味软稔又充满胶质，骨与肉之间的胶质美常美味，香而不腻，红酒酱汁好惹味，而意粉份量颇大，2个人食好足够。 🍹饮品: 🔸蓝山一号 Pokka cafe 自家烘焙的精品咖啡，少数会有自家烘焙咖啡的连锁餐厅，呢只蓝山一号是自家house
去太古城中心接家姐放工之余顺便行街，顺道留意附近有咩食，去到诚品闲逛，发现原来诚品内都有多家餐厅，见到重新开的Pick Coffee by Pokka Café ， Pokka Cafe 真系儿时回忆，以前好钟意食佢啲西餐，见到卡座感觉几舒服，又位于诚品的一隅，有私隐度，所以就决定系呢度开餐。
食物选择一如以往系日式西餐，选择都唔少，最后拣咗：
🥢海盐粟米
一个好惹味的前菜，粟米烤焗过，依然保持粟米本身的清甜Juicy，加上海盐及七味粉，辣辣地几惹味。
🥢红酒烩牛肉半熟奄列蛋饭
食日式西餐时总喜欢叫佢地既蛋包饭，因为觉得整得好靓之余又好食，这个都唔例外，蛋带有蛋香,煎得半熟刚刚好，饭粒粒分明，而红酒牛肉煮得软稔入味，配上一起吃很不错。不过如果系炒饭底我会更开心 🤭
🥢炖煮红酒牛尾意粉
牛尾美肥，炖煮得入味软稔又充满胶质，骨与肉之间的胶质美常美味，香而不腻，红酒酱汁好惹味，而意粉份量颇大，2个人食好足够。
🍹饮品:
🔸蓝山一号
Pokka cafe 自家烘焙的精品咖啡，少数会有自家烘焙咖啡的连锁餐厅，呢只蓝山一号是自家house blend，啱晒钟意饮咖啡的家姐，家姐表示此豆味道香醇，甘甜带有果仁、花香味，斋饮都好好饮❤️
🔸菠萝胶原蛋白特饮
见到有胶原蛋白饮品咁特别，爱美既我当然叫黎试吓啦，叫咗菠萝胶原蛋白黎试，菠萝味道清新，好fresh，入边有菠萝果肉同胶原蛋白jelly，好似啫喱咁甜甜地，食落都几好味，又有胶原蛋白，正呀😋
🍦甜品：
🔸抹茶Tiramisu 新地
饭后当然要食甜品啦，一早睇中佢地既新地, 因为实在太靓啦, 心大心细就拣咗抹茶tiramisu 新地啦。抹茶味雪糕香浓，有淡淡甘味，配上抹茶cream 及红豆一齐食系perfect match，好美满的一餐🫶🏻
张贴
