許記車仔麵

营业中

休息中

由细到大我都好中意食车仔面！贪佢又平又好味（廿几蚊食到你饱）但大大下发觉，街上嘅车仔面店虽然环境大都比以前干净企理，但碗里嘅味道却不能和以往相比。好彩畀我遇见衣间「许记车仔面」，令我拾回好多儿时回忆呢!「许记车仔面」的位置并不显眼，装潢及环境简单贴地。食物价钱亦相当亲民（$6一个𩠌或面，最低消费为$18）我叫左一碗鱼蛋猪红韭菜饺河，（加腩汁是常识吧！）车仔面汤底浓郁，鱼蛋非常弹牙有鱼味，猪红唔会一咬即散，韭菜饺馅料丰富，性价比相当高呢！虽然车仔面看似平庸，唔系啲咩美食，但偶尔食一碗，却令我回味无穷！