點‧粵 (已結業)

喺將軍澳搵食，行到去Donki附近，揀咗中菜叫做「點．粵」食晚飯，原本好想食點心，不過最後都係揀咗食小菜。叫咗椒鹽豆腐、啫啫生菜煲同埋秘製雞煲⋯⋯係啊😂又係雞煲！？究竟我有幾鍾意雞煲🤣。椒鹽豆腐 - 外脆內軟，好似以前細細個去唱卡拉OK，叫果碟七味粉椒鹽豆腐咁，兒時回憶回來了。啫啫生菜煲 - 我就第一次食，都幾似蝦醬炒生菜果隻味，「勁」惹味！秘製雞煲 - 同我過往有少少分別，佢𥚃面有放薯仔，而且薯仔係有炸過，吸咗啲汁，幾好味。唔知係咪有薯仔既關係，有種好似食緊咖喱雞煲既感覺😂不過都係好食嘅😋下次想嚟試吓點心⋯⋯