威利華餐廳

营业中

休息中

已经好耐冇试过放假落街去茶餐厅食早餐， 平时放假一般都瞓到黄朝百晏，或者有时就同老婆去麦当劳食早晨全餐。今次就去番好多年都冇食到嘅威利华餐厅，老婆话嚟咗柴湾住咁多年佢都未食过㖞，所以特登带佢嚟试一试，我自己都好多年冇食过啦，以前喺中学嘅时代我成日都嚟呢度食午饭，估唔到咁多年都冇乜大转变， 里面嘅装修同以前一模一样。但最估唔到连食物都有保持返以前嘅水准， 同其他大型连锁餐厅嘅味道完全唔同，系一 贯香港茶餐厅嘅味道，希望香港可以保留多啲传统及有特色嘅餐厅， 唔好只系得啲大财团嘅连锁餐厅 ，俾市民多啲选择。火腿通粉 & 牛油多士煎蛋沙嗲牛面&茶走