和藏桂林夜市 (已結業)

今日经过呢度，见到开左新野。好怀旧既地道野食。整啲小食黎食下。侍应好热情。见我要个功夫鱿鱼丝，又送半条俾我。烧得脆，鱿鱼既香味，就好似细个成日食既烧鱿鱼。加左啲辣油越食越刺激，好正。避风塘豆腐啱啱出炉，热辣辣，好似多士仔咁厚，食到阵豆腐既味道，质感好肥美。再整个避风塘鱿鱼须。鱿鱼须炸完好弹牙，加埋少少粉，越食越开胃。鱿鱼须真系最邪恶，食到听唔到口。炸蚝饼够大块。见到啲蚝都想食。大大粒。食既时候完全冇腥味，鲜甜味流入口里既感觉真系冇得输。见落好普通既小食，食完发现一啲都唔普通。好有细细个既味道。