東京麵包餅食 (譚公道)

营业中

休息中

系土瓜湾大，以前除咗去东京买蛋糕面包，仲会帮衬小区面包舖，再其后开始有美心进驻（当年觉得大牌子就系好）又会多咗去美心买蛋糕面包。事隔廿年，其间多次庆祝活动都系买美心或是东海堂居多。前年我家大姐提出：「去东京买啦！东京既蛋糕仲正！」果次就系东京买咗个什果蛋糕，当晚感受冇乜，因为系食完围餐先食蛋糕，根本饱到唔想再塞野落肚。前日同妈咪庆祝生日，去咗东京买个半磅粟子蛋糕（$75），讲真今时今日半磅蛋糕已经唔多有，仲要咁街坊价，其实真系良心店。讲到食，价钱系其次，最紧要系味道好先真系好值得去帮衬蛋糕松软香蛋味，粟子蓉浓但又好creamy，蛋糕上既生果都好甜好新鲜买蛋糕时我亦买咗load合桃提子麦包（$15）做早餐，呢两日食真系好有水准，唔系”空气包”，好重身但又唔系死实实。合桃提子唔系好多，但系咁既质素已经值回票价。平时系A-1买开合桃/合桃提子（$28-$30），料系多少少，但我可能要食2/3先满足。相反东京既出品，食一片半已经好满足（阿姐帮我切左6份），呢下我真系估唔到希望香港继续有用心整食物比香港人食既老店同小店。可以一直做一直陪伴成长一直承传。