CoCo壹番屋 (新港中心)

营业中

休息中

我仔成日出街都话好钟意食Coco一番屋嘅咖喱饭，贪佢有个儿童餐，入边又有啫喱，所以佢好钟意食。𠮶日同佢出街玩，佢又系同我讲话要去食Coco一番屋，所以就嚟咗尖沙咀呢一间食啦～佢都系例牌嗌咗个儿童餐，而我嗌咗个牛肉蛋包咖喱饭加茄子。枱侧边有啲腌萝卜我同个仔都好钟意食佢啲萝卜，捞埋落啲咖喱度酸酸咸咸甜甜咁非常好食。儿童餐有汉堡扒香肠薯角啫喱同埋咖喱饭，我个仔就自动波系咁食晒啲咖喱饭，但根据我嘅经验儿童餐嘅餐饮都系唔好饮橙汁比较好，因为我仔饮过话好难饮，所以劝大家都系叫返益力多比较好。以我个人口味钟意食茄子，牛肉蛋包咖喱饭味道几好食，但旧牛肉都几多肥膏，总括嚟讲我都觉得好食嘅。