老鳳冰室 (已結業)

之前同朋友出街食饭，见到呢间冰室入面啲怀旧香港嘅装修好靓好吸引，所以就决定入去食饭。虽然我地得4个人，不过个个都好肚饿，所以就叫咗好多野食。 我地一坐低就先叫几杯冻饮，我自己就叫咗杯冻奶茶，都做到正常发挥，唔错！另外三个朋友都有叫到波波奶茶、红豆冰同雪糕红豆冰三杯特饮，三杯嘅卖相同味道都几好！ 我地首先叫咗个大黑松露炒蛋多士，佢啲黑松露同蛋多到泻，啲料落得好足！ 跟住系蒜泥翠瓜，好香好入味！ 我地之后叫左个芝士猪颈肉捞一丁同芝士大虾球浓茄汤通粉，呢两个真系冇得顶！ 芝士猪颈肉捞一丁入面芝士嘅份量真系好多，加埋呢个调味好足嘅猪颈肉真系好正！ 芝士大虾球浓茄汤通粉入面嘅番茄汤真系好入味好浓郁！ 之后叫咗个口水鸡饭，口水鸡嘅辣度适中，唔会话太辣，唔系好食得辣嘅朋友都可以试下！ 最后我地叫左个焗芝士海鲜保龄球，入面有虾、鱼柳同蟹柳等等，啲海鲜料落得足之余，味道都好好！ 总括而言，呢间冰室 嘅食物选择多，质素高，以后都会推介比我朋友同屋企人一齐嚟食！老凤冰室  葵芳荣芳路9号恒景花园恒景商场地下G13号舖