影片
更多
2017-02-23
831 浏览
今日一病好就觉得好想食车仔面，因为车仔面有好多𩠌可以加，最啱符合我呢一个啱啱病好嘅病人，可以识到好多唔同嘅嘢二又唔会好heavy。 同朋友行到油麻地，见到碧街附近有一间叫做村爷爷车仔面，个铺头外有好多人排队，因为都系午膳时间，好多上班一族都为咗节省时间，快快手手食一碗面就再返工。我哋大概等左10分钟，店主就安排左两个座位俾我同我朋友坐。店里面嘅位置唔算多，不过都觉我拎住两件衫再抱着一个袋，哈哈。 一坐低睇到个餐牌真系乜嘢都想叫，见到有个豪华餐！有只大龙虾喺里面仲可以拣伊面定系油面，真系令人花多眼乱啊。平时喺酒楼食嘅龙虾伊面一定系捞芝士，但系呢一度可以拣有汤底嘅伊面再配龙虾。我就拣咗牛、大肠同鲜甜嘅萝卜，而我朋友就拣咗一啲清菜鱼片同猪皮。 落单同埋上菜都系7分钟之内嘅事所有野已经到齐啦，我大口大口咁样食𠮶啲伊面连汤，发现个龙虾汤真系好鲜甜谂唔到一间细细的车仔面舖里面都可以煮出咁好食嘅嘢。仲有啲牛啊！非常之多汁同埋明显系烹调过好入味。猪皮都好淋，系我钟意食既软度。唔可以唔提，就系𠮶啲猪红，呢度啲猪红一定一定唔系鸡血，我一咬落去，成旧碎晒！系正正宗宗嘅猪红黎架，真系喺香港好少食到
同朋友行到油麻地，见到碧街附近有一间叫做村爷爷车仔面，个铺头外有好多人排队，因为都系午膳时间，好多上班一族都为咗节省时间，快快手手食一碗面就再返工。我哋大概等左10分钟，店主就安排左两个座位俾我同我朋友坐。店里面嘅位置唔算多，不过都觉我拎住两件衫再抱着一个袋，哈哈。
一坐低睇到个餐牌真系乜嘢都想叫，见到有个豪华餐！有只大龙虾喺里面仲可以拣伊面定系油面，真系令人花多眼乱啊。平时喺酒楼食嘅龙虾伊面一定系捞芝士，但系呢一度可以拣有汤底嘅伊面再配龙虾。我就拣咗牛、大肠同鲜甜嘅萝卜，而我朋友就拣咗一啲清菜鱼片同猪皮。
落单同埋上菜都系7分钟之内嘅事所有野已经到齐啦，我大口大口咁样食𠮶啲伊面连汤，发现个龙虾汤真系好鲜甜谂唔到一间细细的车仔面舖里面都可以煮出咁好食嘅嘢。仲有啲牛啊！非常之多汁同埋明显系烹调过好入味。猪皮都好淋，系我钟意食既软度。唔可以唔提，就系𠮶啲猪红，呢度啲猪红一定一定唔系鸡血，我一咬落去，成旧碎晒！系正正宗宗嘅猪红黎架，真系喺香港好少食到！
我偷我朋友𠮶啲黎食，都发现佢嘅油面煮得唔错，这碗汤睇落去亦都唔会好肥腻。最正就当然系𠮶半只龙虾啦，店员仲要俾埋个钳我去夹佢，就方便我哋剥壳啦。里面啲肉都好厚身又有咬口，好正！未试过食一个咁豪华嘅车仔面。
最后叫多两杯冻柠茶小冰，为我今日呢一个午餐画上完美嘅句号。村爷爷车仔面
油麻地咸美顿街14号地下
张贴
