紹華小廚

营业中

休息中

天气冻去咗爱东街市食佢哋嘅煲仔饭，除咗煲仔饭，今日主角仲有羊腩煲。羊腩煲上枱都几大份量，绝对够三个人食，南乳羊腩酱味道做得几好，唔算太咸，煲仲有好多笋同埋冬菇，不过啲马蹄就非常细粒。羊腩处理唔系几干净，有小羊毛在皮上面，羊肉混合了两只羊，两只肉质都唔一样，所以食嘅时候有部份人会比较淋，有些又会太过实，有些位煮唔够时间，连个羊皮都咬不断。煲仔饭叫腊肠滑鸡，配料几入味，不过今日个煲仔饭好似㶶咗少少，饭焦有部份已经烧焦，有啲苦味。另外在叫了一个酸菜炒黄鳝，味道非常浓，黄鳝处理得唔错，有腌过入了味，肉质爽口，酸菜就少咗少少，反而青红椒同洋葱够多又入晒味。