富泰燒烤樂園

营业中

休息中

见天气开始冻冻地，梗系想烧吓嘢食啦，因为朋友住喺附近嘅关系所以就提议到嚟呢度近近地烧嘢食。佢哋收费唔算贵，如果你提前预订亦都可以有乳猪俾你食添，另外佢都会有啲网架可以租比你用，而佢哋本身就已经包左一个炉，每人一支烧烤叉，每人一只碟，每人一支饮料同埋好窝心嘅有卷纸巾俾你添。一入到去就已经见到呢一个游乐场，所以其实好啱大人带小朋友过嚟玩一路烧嘢食一路玩开心时日过得好快。不过佢哋就有啲调味料就要俾钱嘅不过都唔算贵。方包对烧嘢食来讲就梗系唔少得啦。佢哋呢一个区域就系俾你出去拎嘢食返嚟烧，都几多嘢食款俾你拣范围亦都好大。最值得推荐嘅就系佢哋啲肉食系会有独立包装，佢会帮你pack好一包有一至两块，入面亦都有腌料，唔怕唔入味之余亦都好讲卫生。啲肉食其实唔止咁少㗎，单单系鸡翼已经有好多种口味俾你选择，值得推荐。总括嚟讲佢哋都算唔错，因为食物款式好多，如果你系驾驶人士的话，佢哋亦都有得免费泊车，车位亦都唔算少，所以其实都算几方便架。