老三油渣麵王

营业中

休息中

喺土瓜湾做完运动热辣辣、冇胃口， 都唔知食咩好， 又行去北帝街睇下有咩小店先。见到呢间老三油渣面王， 即刻谂起大角咀𠮶间出名嘅油渣面， 于是就决心一试。都差唔多九点，成间舖爆满， 好彩啱啱有人埋单， 即刻有得入去坐。望下menu选择都多对食有要求嘅我，一定会识得叫佢将油渣分开上， 以防啲油渣淋唒。食咗一啖完全感觉到啲油渣入口即溶， 亦都冇乜千年油益味， 非常好。 面底嘅都有选择可以拣上海面或者米线， 我拣咗招牌猪油渣面即系上海面底， 入面仲有清甜萝卜同入味冬菇， 令人一试难忘。我稍为就觉得上海面太硬， 如果煑淋少少更高分。