炙・宴 (新城市廣場三期)

营业中

休息中

某日自己一个行经一田醒起朋友推介过呢间餐厅就决定即兴入去试下，由于去得比较早，入面唔算多人，店内装修几有特色，坐底睇左一轮之后决定直接打大佬，叫左个特选宫崎和牛饭餐，有埋沙律同味噌汤，汤同沙律都系正常水平，无咩特别，至于个饭，牛肉的确无令我失望，烧得刚刚好，有入口融化既感觉，但啲饭就食唔出有咩特别。总括黎讲，个牛肉饭的确系几好食，亦都一食就食得出同一般牛肉既分别，但个饭餐加埋一之后要大概200蚊，如果有多少少配菜会更抵食。