天龍海鮮火鍋 (已結業)

约咗朋友去先达附近买啲嘢，所以就喺附近觅食了。见到打边炉就即刻吸引晒我哋入去，虽然餐厅嘅位置比较偏僻，但餐厅距离地铁站嘅路程其实只需几分钟，所以其实都算系清静得来又几方便嘅。我哋叫咗一个原味椰子鸡锅，同埋好多嘅配料。先讲一讲个鸡锅，极之入味，好重好重嘅椰子味，可以见到个煲底其实都有好多椰子，可见佢系好足料嘅。配料方面，有一个叫做即炸紫菜响铃，我认为好好食，脆卜卜嘅响铃，平时就咁食已经好香口，但加埋紫菜之后，令整个感觉更有层次，口感更丰富。仲有不得不提嘅系娃娃菜，浸完系个煲度，好索椰子味，好香，好正。