圓老爺雞煲小廚 (已結業)

寻晚临瞓较之前突然好想食鸡煲，所以就约咗男朋友今晚放咗工之后去食。之前听过朋友讲丰年路呢一头有一间食鸡煲都几好食，所以就黎试吓啦。其实佢除咗主打鸡煲之外有超多款小菜，传统嘅小炒款式又有，有一啲比较新潮啲嘅小菜亦都有，所以拎住个餐牌嘅时候好多样都尝试，奈何我哋得两个人叫唔到咁多款𩠌。今日就试咗四样嘢先，首先就系鸡煲啦要左半只鸡小辣，另外在要咗个酸菜鱼，仲有一份拍青瓜同黄金鲜尤。讲下个环境先，以中式嘅小菜馆来讲，呢度都算干净其利，而且啲枱枱等等都算坐得舒服，好过一般大排档𠮶啲好多，所以如果有老有嫩嘅话呢就坐个环境会舒服啲。至于啲食物来讲个鸡煲超入味，因为我同男朋友都唔食得好辣，所以我哋要左小辣，但系并无因为咁而冇咩味，啲鸡一样好入味。另外个酸菜鱼下边仲有啲薯粉同埋黑木耳，至于啲鱼系班球嚟嘅，所以冇晒骨好啱我哋呢啲懒人。至于个黄金鲜油，我男朋友一食第一啖就话超多蛋黄超足料，话佢做得好好咁㖞。至于个拍青瓜就正正常常啦，青瓜好爽口。