尚品餐室 (已結業)

今晚去左深水埗食打冷。已经好耐冇食打冷啦！咁岩今日落雨，食下d热野最正！叫左个牛坑腩拼金钱肚送白饭。呢味送真系份量超大，深水埗既野永远都咁平，靓，同埋正！饮一饮佢汤底，好重胡椒味之余，唔会净系食到胡椒味，仲有牛腩汁味，成个汤底已经好香，真系好满足！叫岩左野食！不嬲食野钟意食配角先，最后先食主角，食左个白萝卜先。白萝卜已经吸晒牛腩汤既味，一入口，好多水份标出黎，好耐冇食过咁入味既牛腩菜色啦！之后食牛腩，牛腩质感弹牙，真系好好味，胡椒味同牛腩好夹，金钱肚都好弹牙。点解可以整到咁好味。呢碟野虽然份量大，但好快就比我ko完，不知不觉就食晒。虽然已经好饱，但都觉得未够喉。下次会再黎试下其它菜色！