甘味讚岐手打烏冬 (已結業)

年头先做咗会员, 估唔到隔咗一排冇嚟食, 竟然变哂样, menu转哂, 全部变咗定食, 款式少咗好多, 连老公爱的𫠒红鱼刺身都冇咗, 真系好失望..............呢间明明叫赞岐手打乌冬, 咁系咪应该主打呢? 佢而家d乌冬要加钱先转, 全部定哂系食饭, 冇哂意思啰~ 油甘鱼刺身冇咗𫠒红鱼, 唯有揾个油甘鱼顶住先, 但唔得啰~ 只有4块, 又唔厚切, 而且唔够冻, 肉质又太林~  面酱烧鸡扒乌冬唔知佢个面酱去咗边? 似系炸完块鸡扒, 加d照烧汁响面, 个汁甜甜地几好食, 但块鸡扒好干, 两边硬柴柴, 仲要加$2去转个木鱼乌冬, 老公天真到以为系有果d飞飞下的木鱼, 我话拎旧木鱼煲个汤底咋~ 佢觉得比人揾笨咗~  什锦天妇罗乌冬又系转木鱼乌冬, 因而转茄汤要加$4, 而且佢个茄汤都唔好味, 太劲茄膏味~ 天妇罗又唔比萝卜茸, 唔通跟乌冬就唔比? 都废事问佢, 免得自己劳气~ 天妇罗有2只几爽口的虾, 1块唔甜的南瓜, 1块冇乜蕃薯味的蕃薯, 虽然炸得几脆, 但都几油, 张吸油纸系吸满油的~ 墨鱼咀都系求其叫个小食, 响冇选择之中选出嚟的~ 一兜都有大约30粒, 算系多, 开头食都O