影片
更多
2007-07-29
20 浏览
原本订左七点，六点几去到谂住睇下有冇得入，点知个知客话未得住，叫我拣海鲜先，等等下就有个员工黎叫我地不如去一个街口外既总店，话即刻有位，点知去到要从新登记，仲鬼死咁多人，我见唔对路咪叫细佬返订左果间店睇下情况，点知个知客话我地走左，过左号码唔会再俾位我地，我地咪同佢理论啰，宜家系佢Ｄ人叫我地去第二间舖架麻，结果要劳动家姐闹佢一餐先肯俾位我地！讲返食物，我地叫左一个餐牌冇既六人餐，包六款海鲜，有以下食物：1)芝士焗龙虾伊面底(因为系套餐，所以唔好奢望好肥美既龙虾，都只系龙虾仔开边，汁亦唔够香浓，一般啦)2)姜葱焗蟹(一向唔系好识食蟹，感觉都系中规中矩咁)3)豉汁蒸鲍鱼仔(每人有两只，味道靠豉油带出，普普通通)4)粉丝蒸扇贝(都系每人有两只，粉丝好多，可惜粒贝太细粒)5)蒸仓鱼(无乜特别)6)椒盐濑尿虾(呢个好好味，椒盐同濑尿虾好夹，味道鲜美)7)炒通菜(一般炒菜，都几好食)8)沙姜鸡脚(全个餐最好食既竟然唔系海鲜系呢个，鸡脚炆得好焾，沙姜味香浓，必食之选)另外我地叫左个沙津海鲜卷同全记炒饭，都唔错。餐送既甜品系绿荳爽，清清地都几好。呢度𩠌菜既份量唔少，点菜时侍应会提醒你唔好叫太多，我地今
讲返食物，我地叫左一个餐牌冇既六人餐，包六款海鲜，有以下食物：
1)芝士焗龙虾伊面底(因为系套餐，所以唔好奢望好肥美既龙虾，都只系龙虾仔开边，汁亦唔够香浓，一般啦)
2)姜葱焗蟹(一向唔系好识食蟹，感觉都系中规中矩咁)
3)豉汁蒸鲍鱼仔(每人有两只，味道靠豉油带出，普普通通)
4)粉丝蒸扇贝(都系每人有两只，粉丝好多，可惜粒贝太细粒)
5)蒸仓鱼(无乜特别)
6)椒盐濑尿虾(呢个好好味，椒盐同濑尿虾好夹，味道鲜美)
7)炒通菜(一般炒菜，都几好食)
8)沙姜鸡脚(全个餐最好食既竟然唔系海鲜系呢个，鸡脚炆得好焾，沙姜味香浓，必食之选)
另外我地叫左个沙津海鲜卷同全记炒饭，都唔错。餐送既甜品系绿荳爽，清清地都几好。
呢度𩠌菜既份量唔少，点菜时侍应会提醒你唔好叫太多，我地今次叫左六人餐都食剩两大盒打包。
虽然最后之前得罪我地既知客过来了道歉，但难免对呢间舖既印象扣分。所以一间酒楼既成功，除左要著重食物质素之外，服务亦唔可以忽视，仲有洗手间的管理都好紧要，呢度水浸既洗手间真系好吓人哩>O<！
张贴
