影片
更多
2018-08-11
324 浏览
见餐厅做紧午餐买一送一优惠，仲要任食沙律、餐汤、雪糕，虽然地点有d唔方便，不过一试无妨，唔驶等餐厅营业时间，喺openrice订定枱，超方便！订左星期六中午12:00，我预早左11:45已到餐厅门口，门外一个人都无，虽然未到营业时间，未有得入座，但听闻呢间餐厅入座比较混乱，所以我都唔敢周围走，乖乖排队。12:00正才准许客人入座，无论有没有订枱都系排同一条队，所以有些排在后面、订左枱的客人鼓躁，订左枱的人要等职员处理完前面无订枱或未人齐的排一边，果条人龙足足等到12:30先分流好😓，成个场先坐满。入座时，职员表示用餐时间只有1个半小时，13:30要还枱，😲我岂有此理丫！😡😡😡明明订枱时没有注明时限，宣传单张上的条款都无写，仲念住等到星期六同老公悠悠闲闲食个午餐，还是算啦，唯有食快d啰。职员讲解完买一送一优惠，点完餐便可以去攞沙律、餐汤，沙律有两款，沙律菜和薯仔沙律，值得一赞个沙律菜真系有隔干水份，而且比例唔错，我个人钟意甘甘地、苦苦地嘅火箭菜👍🏻，唔似一般沙律菜，罗马生菜占大半，太甜。但餐汤单调左少少，系青豆蓉汤，而且打得唔够幼，仲好粉👎🏻。见主食未到，攞个Haagen-Dazs雪糕食
订左星期六中午12:00，我预早左11:45已到餐厅门口，门外一个人都无，虽然未到营业时间，未有得入座，但听闻呢间餐厅入座比较混乱，所以我都唔敢周围走，乖乖排队。
12:00正才准许客人入座，无论有没有订枱都系排同一条队，所以有些排在后面、订左枱的客人鼓躁，订左枱的人要等职员处理完前面无订枱或未人齐的排一边，果条人龙足足等到12:30先分流好😓，成个场先坐满。
入座时，职员表示用餐时间只有1个半小时，13:30要还枱，😲我岂有此理丫！😡😡😡明明订枱时没有注明时限，宣传单张上的条款都无写，仲念住等到星期六同老公悠悠闲闲食个午餐，还是算啦，唯有食快d啰。
职员讲解完买一送一优惠，点完餐便可以去攞沙律、餐汤，沙律有两款，沙律菜和薯仔沙律，值得一赞个沙律菜真系有隔干水份，而且比例唔错，我个人钟意甘甘地、苦苦地嘅火箭菜👍🏻，唔似一般沙律菜，罗马生菜占大半，太甜。
但餐汤单调左少少，系青豆蓉汤，而且打得唔够幼，仲好粉👎🏻。
见主食未到，攞个Haagen-Dazs雪糕食住等，味道有三款，有朱古力、士多啤梨同云呢拿，配料仲有粟米片、杏仁片、绵花糖、朱古力酱同焦糖酱，不过桶装雪糕雪得超硬，老公花尽九牛二虎之力，都不能成功𢳂到完整一球，睇相就知，系一片片的雪糕😅，难怪排雪糕的人龙长期都有十几人咁多，小朋友、女士们系比较花时间𢳂。
等左大半个钟，德国咸猪手终于到了，猪皮虽然没有广东菜的松针，但皮脆肉厚，口感像火鸡球般实，独特腌料跟超市的味道不一样👍🏻，而且好大只。
相比之下澳洲肉眼扒很薄、较细份，配上海盐、烧得几香👍🏻，不过个薯饼韧得离谱，仲以为自己食紧上海年糕。
餐饮拣左菠萝汁同橙汁，菠萝汁偏酸，好彩有半杯冰稀释。
其他食客似乎都系经常光顾的熟客，未点餐已拎埋手袋、战斗格的跑出去分头攞嘢食，如果唔驶排队攞餐汤、排沙律、排雪糕，1个半小时都可以食得好舒服，但排队、等上主菜、等餐饮已花很多时间，建议情侣们或三五知己想趁周末吹下水、轻轻松松食个午餐，就要认真考虑！
秘制德国咸猪手配薯条
$188
23 浏览
0 赞好
0 留言
澳洲肉眼扒配薯饼
$178
17 浏览
0 赞好
0 留言
张贴
