影片
更多
2020-02-11
448 浏览
想睇食物质素可以先碌到最下面。先讲服务：慢，慢到台台客既枱面都系空既，慢到可以唔记得啲客张单，啲staff连收钱都要俾经理闹，仲成班staff都唔熟楼面。最火滚既系，等上菜等左一个半钟，食嘢只系食左半个钟。Book左夜晚9点半两个人准时到，我地系最后𠮶台客。入到去10分钟内睇完餐牌落单叫左两客鸡，等左阵就黎嘢饮。点知坐左半个钟，一碟鸡都冇未上。所以催左一次。再等10分钟，终于上左一个𩠌。约10点半，佢地话要埋数埋单，咁我地谂住等埋第二碟鸡打包走啦，点知见佢地开始收炉？！哗我真系好惊喜，系想上乜鸡俾我？生鸡？我就嗱嗱临同staff讲我哋仲有一客焗鸡未上，佢哋成班惊吓样，仲问左我几次系咪漏左，燥到上心口，仲要所有客走晒得番我地一枱。好，我哋再等。点知到个staff埋完数收工，都未出到盒焗鸡！仲周围问人盒鸡去左边，管理真系好混乱！最后竟然系攞左盒卖剩既炸鸡出嚟补镬！到左11点半我地先离开到个无限地狱！食物：@太阳芝士鸡锅-鸡肉肉质正常，炸鸡炸皮较厚同多-唔系太香-芝士既味唔浓@啤酒-好淡-酒精浓度低-水果味系加浓缩果汁沟，冇搞好沉晒系底甜到呕总括：除咗因为有优惠先显得大件夹抵食，其他系受气受
先讲服务：
慢，慢到台台客既枱面都系空既，慢到可以唔记得啲客张单，啲staff连收钱都要俾经理闹，仲成班staff都唔熟楼面。
最火滚既系，等上菜等左一个半钟，食嘢只系食左半个钟。
Book左夜晚9点半两个人准时到，我地系最后𠮶台客。
入到去10分钟内睇完餐牌落单叫左两客鸡，等左阵就黎嘢饮。
点知坐左半个钟，一碟鸡都冇未上。所以催左一次。
再等10分钟，终于上左一个𩠌。
约10点半，佢地话要埋数埋单，咁我地谂住等埋第二碟鸡打包走啦，点知见佢地开始收炉？！哗我真系好惊喜，系想上乜鸡俾我？生鸡？
我就嗱嗱临同staff讲我哋仲有一客焗鸡未上，佢哋成班惊吓样，仲问左我几次系咪漏左，燥到上心口，仲要所有客走晒得番我地一枱。
好，我哋再等。
点知到个staff埋完数收工，都未出到盒焗鸡！仲周围问人盒鸡去左边，管理真系好混乱！
最后竟然系攞左盒卖剩既炸鸡出嚟补镬！
到左11点半我地先离开到个无限地狱！
食物：
@太阳芝士鸡锅
-鸡肉肉质正常，炸鸡炸皮较厚同多
-唔系太香
-芝士既味唔浓
@啤酒
-好淡
-酒精浓度低
-水果味系加浓缩果汁沟，冇搞好沉晒系底甜到呕
总括：除咗因为有优惠先显得大件夹抵食，其他系受气受饱。
张贴