龍如酒家

营业中

休息中

🍴龙如酒家 @流浮山🍴 流浮山出名食海鲜就系人都知架啦！小编住大西北咁近就梗系会入去试下食啦！其实系呢间都食过几次，系友人介绍，觉得味道唔错价钱又唔会太贵。首先去到门口自己拣左海鲜先，之后同店员讲想点煮就得架啦！呢餐平均人头食左400几蚊。------------------------------🟠蛏子煎米粉呢碟系小编至爱呀😍蛏子煮得岩岩好，唔会好韧，口感好好。而个汁既味道好惹味。小编系呢度先知有煎米粉呢个小菜，煎完好香口有少少脆，食唔停呀！🔵油盐焗奄仔蟹平时好少食奄仔蟹，觉得有少少似食大闸蟹，因为佢都系有好多黄黄既膏。之前食过都好爆膏，今日可能只蟹无咁靓相对就唔多膏。🟢上汤龙虾伊面底呢个龙虾大大只啖啖肉呀，味道鲜甜，都系每次必叫之选。上汤都几浓味同埋结身，伊面吸哂D味，要食返两碗先得！🟣椒盐鲜鱿呢道菜有惊喜！小编原本唔太钟意食鱿鱼，觉得好难咬。估唔到呢度D 鱿鱼好滑好易咬，味道唔错。🔴豉油皇海虾呢道菜相比之下就失色左少少，豉油味够，虾都鲜甜大只既，不过就唔算好特别既款式。