影片
更多
2023-11-20
2636 浏览
朋友生日，俾个藉口我食好东西。要亲身去book枱嘅すき焼 森够晒大牌，试过就知名不虚传。午餐每位600蚊，我哋再加$100要咗份牛舌(4片)。套餐包括4片牛，有佐贺A4和牛肉眼、西冷、肩胛，仲有一盘日本直送野菜。另外有前菜、甜品、咖啡等。前菜以枫叶🍁点缀，充满季节感，凉拌菠菜、黄色花瓣🌼仲有菇片，微酸开胃。茶碗蒸少有使用紫菜入撰，新鲜。主菜上场，席前有师傅逐片煮俾你食，每片牛都会配上唔同嘅菜，有轻轻讲解食材同最佳食法，钟意依种淡然唔over嘅招呼方式，恰到好处，唔会阻住你哋倾计。只见师傅熟练地加酱油、洒糖，罪恶感同期待嘅喜悦涌上心头☄️第一片牛牛味偏淡，但雪花多，入口油脂四溢，沾上兰王生鸡蛋🥚同吃，滑不溜手，是幸福的感觉。之后师傅端上一小碗烤蔬菜，有豆腐、冬菇、绍菜，全部都好入味，饱满酱油香，但唔会好腻。接下来嘅牛愈食愈浓味，肩胛最浓郁，配上香气特出，甚有个性的春菊，减低油腻感，加返两分清新。食牛舌前品尝咗日本蒟蒻，师傅提醒点蛋食，蛋液混和吸饱酱油嘅蒟蒻丝，真系前所未有咁好食😋。另外仲有淡路岛洋葱🧅，想像不到嘅清甜，师傅建议从外圈开始食，咁就从淡至浓味顺次序食。未嚟之前上网爬文话唔建议叫
午餐每位600蚊，我哋再加$100要咗份牛舌(4片)。套餐包括4片牛，有佐贺A4和牛肉眼、西冷、肩胛，仲有一盘日本直送野菜。另外有前菜、甜品、咖啡等。
前菜以枫叶🍁点缀，充满季节感，凉拌菠菜、黄色花瓣🌼仲有菇片，微酸开胃。茶碗蒸少有使用紫菜入撰，新鲜。
前菜
13 浏览
0 赞好
0 留言
主菜上场，席前有师傅逐片煮俾你食，每片牛都会配上唔同嘅菜，有轻轻讲解食材同最佳食法，钟意依种淡然唔over嘅招呼方式，恰到好处，唔会阻住你哋倾计。只见师傅熟练地加酱油、洒糖，罪恶感同期待嘅喜悦涌上心头☄️
第一片牛牛味偏淡，但雪花多，入口油脂四溢，沾上兰王生鸡蛋🥚同吃，滑不溜手，是幸福的感觉。之后师傅端上一小碗烤蔬菜，有豆腐、冬菇、绍菜，全部都好入味，饱满酱油香，但唔会好腻。
接下来嘅牛愈食愈浓味，肩胛最浓郁，配上香气特出，甚有个性的春菊，减低油腻感，加返两分清新。
食牛舌前品尝咗日本蒟蒻，师傅提醒点蛋食，蛋液混和吸饱酱油嘅蒟蒻丝，真系前所未有咁好食😋。另外仲有淡路岛洋葱🧅，想像不到嘅清甜，师傅建议从外圈开始食，咁就从淡至浓味顺次序食。
未嚟之前上网爬文话唔建议叫牛舌，好在最后有叫。煮得刚刚好，滑嫩有嚼劲，但唔会似橡筋，牛味亦足🐂，洒少少香葱食，真系值得一试。
食到大半饱就上和牛粒粒炒饭，师傅爽快地下了几只蛋炒，真系地狱级罪恶——食完再减。炒饭偏湿，个人钟意干身𠮶只炒饭，但啖啖都食到牛粒、蛋丝，份量又刚好，唔算差。
最后甜品大惊喜，绿茶雪糕比好多主打绿茶嘅餐厅做得好食太多，微甘不苦涩，茶味出，但唔过火，同浓香牛奶巧妙平衡，口感细滑，想追住食。店方仲好有心为生日朋友准备小惊喜，满足打卡需要。🤗
餐后咖啡同热柠水就合格有突，没甚么可挑剔。
唯一美中不足相信系个白饭，另一位曾经嚟过嘅朋友讲得啱，系争个饭，无采用日本靓米，食落梗系少少削，唯一扣分位。
张贴
