通記海鮮酒家 (已結業)

上个星期日同成班friend游完船河之后，喺西贡码头附近揾餐厅食晚饭，见到近码头果边啲餐厅又多人又要坐街，感觉唔太舒服。最后朋友介绍左我哋去入少少嘅老字号「通记野味海鲜酒家」度食，话果度无咁嘈，又可以坐得舒适啲。坐底望一望餐牌，虽然啲套餐都几抵食，不过成大班人食饭，个个想食嘅野都唔同，所以最后都系散叫。呢个刺生并盘真系不得了﹗有龙虾、三文鱼、珍宝带子、海胆、八爪鱼同希灵鱼，样样都系我最钟意食嘅，所以特别觉得兴奋。龙虾刺生切到厚薄好适中，上面仲有大大粒嘅鱼子，清甜爽口，真的食到唔停得口。海胆都好正﹗鲜甜无苦涩味，加埋青瓜一齐食，感觉特别清新﹗花雕蛋白蒸蟹，啲蟹就细左少少，肉都唔算太多，不过佢阵花雕味岩岩好，入口劲香。另外，仲有乌冬底，啲乌冬吸晒啲汁同蟹汁，够晒味，又弹牙。椒盐赖尿虾上枱嘅时候系岩岩整好，仲系热辣辣，要即刻食。成只手掌咁大嘅赖尿虾，又多肉，肉质又够实，仲有几只有膏添架﹗黄金虾食得多，黄金鲍鱼你又食过未﹖老实讲呢个配搭真系第一次试，又真系几特别嘅，加上真系唔系度度都有得食。有香浓嘅咸蛋黄味，而饱鱼又煮得够淋，所以食落觉得好得意。如果大家平时钟意食黄金虾的话，一定都会觉得呢味菜