甘永泰魚蛋 (已結業)

入到長洲唔洗問一定食大魚蛋，但入到去盲沖沖又唔知邊間，一落船見到間貼哂辣魚蛋相嘅，即刻就標咗過去，重唔係你？！但我有個朋友係識途老馬，一個星期入咗第四次長洲，叫我稍安毋躁，辣魚蛋還辣魚蛋，大粒魚蛋正鋪唔係呢間！但如果你鐘意食辣！果間嘅辣魚蛋係可以令你火燒後柵！但你係長洲咁焗，咁熱力節拍wou bom ba 嘅情況下，我唔想做極限活動.....其實行去辣魚旦對面，已經係甘永泰！唉喂？咩唔係咖哩魚旦黎㗎咩？係一間買新鮮炸魚旦嘅舊式鋪，有嘀簡陋，鮮炸好嘅魚旦，豆卜，都攤開曬係竹筲箕，似買餸見到嘀魚旦檔，一場黎到緊試啦！哈哈！就係鮮魚旦，幾彈牙，雖然冇加任何醬汁，都夠味！同大囉！佢個炸豆卜反而多fans，個個都讚炸得夠脆！同佢個豆卜好似有釀入魚肉，加咗魚肉，有嘀野𡁻下𡁻下都幾過癮嘅～入得長洲都要食下招牌野嘅！好特別就唔會㗎啦～但叫做出面冇咁大粒，純粹獵奇心態都OK嘅