影片
更多
2022-01-26
359 浏览
午市omakase ($480 + 10% → $528)2022年首访鮨店就黎到依间位于炮台山﹑新开张无耐嘅「曦」，午市omakase包括12贯寿司，卷物﹑茶碗蒸，甜品或咖啡，就咁听内容物再加上五百蚊嘅价钱已经觉得CP值爆灯！鮨店主打新鲜鱼料，无咩花巧细节，简单地为食客呈献食材最纯朴嘅模样，绝对食得满足。.❝真鲷清甜，肉质饱满，纹路靓，作为第一贯寿司，加添柠汁有开胃作用。.❝帆立贝鲜甜，肉质厚实有弹性。酱油点缀下新鲜帆立贝上嘅纹路突出。.❝深海池鱼池鱼一向都受我喜爱，咬落爽口但1秒后口腔即时充满鱼油，口感细腻，层次感满分。.❝根子依贯寿司首尝紫菜水准，脆卜卜，咬落爽脆脷落。三文鱼子饱满无腥味。.❝鲭鱼三切 ♥︎top 3♥︎系佢身上首尝姜葱调味，温和唔抢风头但搭配出色，鱼料本身油香味极重。.❝䲠鱼甘香，肉质厚重，不过算系比较少记忆点嘅一贯寿司～.❝池鱼细切比起深海池鱼调味比例更高，两种唔同嘅口感同口味，同样带出池鱼应有嘅浓郁油香。.❝赤贝用料新鲜，师傅有做拍打动作，稍稍收缩，肉质爽口﹑味道偏甜。依贯酱油有少少较为重手。❝𫚕鱼油脂丰腴，咬落质感似系种融化紧渔料嘅错觉，色泽由嫩粉红渐变到沉实
2022年首访鮨店就黎到依间位于炮台山﹑新开张无耐嘅「曦」，午市omakase包括12贯寿司，卷物﹑茶碗蒸，甜品或咖啡，就咁听内容物再加上五百蚊嘅价钱已经觉得CP值爆灯！鮨店主打新鲜鱼料，无咩花巧细节，简单地为食客呈献食材最纯朴嘅模样，绝对食得满足。
.
❝真鲷
清甜，肉质饱满，纹路靓，作为第一贯寿司，加添柠汁有开胃作用。
.
❝帆立贝
鲜甜，肉质厚实有弹性。酱油点缀下新鲜帆立贝上嘅纹路突出。
.
❝深海池鱼
池鱼一向都受我喜爱，咬落爽口但1秒后口腔即时充满鱼油，口感细腻，层次感满分。
.
❝根子
依贯寿司首尝紫菜水准，脆卜卜，咬落爽脆脷落。三文鱼子饱满无腥味。
.
❝鲭鱼三切 ♥︎top 3♥︎
系佢身上首尝姜葱调味，温和唔抢风头但搭配出色，鱼料本身油香味极重。
.
❝䲠鱼
甘香，肉质厚重，不过算系比较少记忆点嘅一贯寿司～
.
❝池鱼细切
比起深海池鱼调味比例更高，两种唔同嘅口感同口味，同样带出池鱼应有嘅浓郁油香。
.
❝赤贝
用料新鲜，师傅有做拍打动作，稍稍收缩，肉质爽口﹑味道偏甜。依贯酱油有少少较为重手。
❝𫚕鱼
油脂丰腴，咬落质感似系种融化紧渔料嘅错觉，色泽由嫩粉红渐变到沉实深红色。
.
❝拖罗三切
师傅特意采用三切，以拖罗唔同部位拼凑组成三薄片，无渣而香浓。
.
❝马粪海胆 ♥︎top 3♥︎
甘甜而绵密，黏附系口腔唔肯离开个种轻柔腻感，满足度即时飙升。
.
❝右口鱼裙边手卷 ♥︎top 3♥︎
肉质滑溜，而且充满整件渔料都充满鱼油，渔料表面有微微烧过，口感软腍
.
❝茶碗蒸
比起寿司质素显得平平无奇，正常发挥。内有日本芫荽，味道极温和，平时连些微芫荽都顶唔顺嘅我都接受到。
.
❝赤面豉虾汤
一打开碗盖已经闻到阵阵海鲜咸香味，饮落亦有蚬肉。同样有日本芫荽。
.
❝提子冧酒雪糕
冧酒味道唔算突出，奶味浓郁，合我口味。
师傅讲解店内舍利系由两种米组成，一种质感偏硬而米香清淡，另一种质感软腍而米香突出，使用两种米系为咗平冲口感同米香，而两种米受水程度又不一样，所以调配比例系经过多番试验﹑调整先呈现出今日食客见到嘅模样。
.
舍利有使用赤醋预先调味，隐约带微酸。每间鮨店嘅舍利秘方都唔一样，揾到啱自己口味嘅都需要时间（同金钱）去慢慢试，而依到嘅舍利真系可以话系一击即中地合我胃口：有咬口，有米香，唔会过份湿润或干身，酸味含蓄。
.
调味方面多贯寿司都以姜葱﹑酱油为佐料，师傅会解释某贯寿司落酱油比较轻手嘅原因，当下贯寿司有紫菜时，师傅都会贴心提醒影一张相就好食嘞～否则紫菜失去脆度就会影响口感。
.
❍ 㬢
铜锣湾电气道183号AIA Tower地下16号舖（入口系宏安道）
港铁炮台山站A出口，步行约3分钟
星期一至六 12:00 - 15:00 / 19:00 - 22:00
❍ 用餐提示
鮨店装潢以浅木色系为主，铺面唔算大，只设bar枱位置，可以招待大概10位食客。师傅有提及如果系女食客到访会准备细件少少啲舍利，所以如果女食客想要大饭要事先同师傅讲声嘞。
.
到访到日mic师傅有用心介绍鱼料﹑留意食客反应，即使系对生客aka首访嘅我都一样专业又亲切。食客对于渔料有咩问题都会细心解答，重视食客feedback，仲会系适当时间闲话家常，为整体用餐体验加分。
.
❋ 致电91868938订座
❋ 午市分为两round，分别系12:00 - 13:30 & 13:45 - 15:00，今次系首轮时段到访。
.
❍ 𝐭𝐨𝐝𝐚𝐲’𝐬 𝐨𝐫𝐝𝐞𝐫
午市omakase ($480 + 10% → $528)
餐点味道 | ♥︎♥︎♥︎♥︎♥︎♥︎♥︎♥︎♥︎♡
抵食指数 | ♥︎♥︎♥︎♥︎♥︎♥︎♥︎♥︎♥︎♥︎
店舖环境 | ♥︎♥︎♥︎♥︎♥︎♥︎♥︎♥︎♡♡
用餐体验 | ♥︎♥︎♥︎♥︎♥︎♥︎♥︎♥︎♥︎♡
推荐程度 | ♥︎♥︎♥︎♥︎♥︎♥︎♥︎♥︎♥︎♡
适合场景 | 首尝omakase﹑朋友聚餐
张贴
