Mimosa Patisserie

营业中

休息中

因为朋友介绍好食，所以趁放假经过附近就同另一个朋友去买黎食。点知围住金殿大厦行左两个圈都见唔到间嘢，最后问人先知道原来位于金殿大厦内，入到去见到雪柜空空的，礼貌上问一句有冇拿破仑卖，同埋有咩味？跟住个阿叔就话有，味道自己睇牌。咁我哋理解错佢块牌上面全部味道都系拿破仑，就话要芝士拿破仑，点知个女人一听就话：冇芝士味呀！未见过啲人咁好笑。我同朋友已经唔理佢，最后一共买左6件走，临出门口个女人仲要补多句：开铺15年，未见过有人咁好笑。其实我唔系好明有咩咁好笑，系我哋买得太少好笑？定系你哋觉得所有新客都好笑？我都觉得个女人好好笑，唔想做生意不如执左佢？我比钱帮衬你，仲要受你气？仲要比你笑？呢间嘢真系冇下次👋