阿拉麵館 (已結業)

不得不写，实在想分享一下入King Parrot会后既不满。又再一次觉得入会系不智之举。是日下午有研讨会，所以可以离开公司范围食lunch，所以特登走来用埋张免费午市套餐coupon。如果唔系就真系无机会用，因为公司又唔响附近而张野不适用于星期六日及公众假期。笨！呢度附近0甘多公司，但间餐厅唔爆就知道好极有限。入到餐厅坐低良久都无人"庄"茶。十分钟后终于见到个服务员即时叫停拒。到落单时，姐姐话张coupon只适用于几款套餐，价钱around $38-$44，原本想叫果个$55既就唔可以用。我地要左个黑醋排骨饭同一个上海粗炒套餐。黑醋排骨比较浓，饭就煲得唔错，唔太淋亦唔干。上海粗炒好难食，0的上海面好干好实。套餐送杯豆浆，甜品有绿豆沙。