影片
更多
2014-05-19
911 浏览
同老婆外出辨完点事仍有啲早，索性返嚟美孚先食晏，时间好用啲。佢问食咩好，成个美孚区有超过10间茶记之多，「味味佳」算喺其中一间稳胆，佢啲嘢唔喺话好好食，但安全系数高，好少中伏出事。所以「寻味」嘅结果，就喺选中「味味佳」。味味佳晌依区都好多年，环境、格局都有啲旧，不过，都喺做街坊生意，一贯茶记格局就够晒啦，有卡位，有圆枱。逼喺逼啲，地尽其用，小店生存喺咁架啦！嚟食晏通常都唔谂，「精选午餐」3拣1费事烦。是日选择喺红烧豆腐班腩饭（$35）、照烧鸡扒饭（$37）及干烧虾仁伊面（$39），无餐汤，只包热饮，冻饮加$2，额外加汤又$2，拣特饮半价。红烧豆腐班腩饭 $35茶记嘅碟头饭，胜在饭多，因为好多工人会嚟帮衬，又或一家三口，两个餐三个人食。豆腐同班腩份量相约，无揾笨豆腐多班腩少，正如上文所言，味道稳打稳扎，最起码个茨唔会煮到似胶水咁，而且个豆腐里面又几滑。奶茶茶记餐饮嘅不二之选，真喺无可否认，茶记冲嘅奶茶宁舍有茶味，而且又够滑身。味味佳嘅奶茶，亦都唔错，茶香质滑。老婆一向都喺讲健康嘅人，上次嚟见有个泡饭套餐（$34-$40），所以，介绍俾佢试，应该啱佢口味。8款泡饭中，果然，拣咗个非常健康嘅
味味佳晌依区都好多年，环境、格局都有啲旧，不过，都喺做街坊生意，一贯茶记格局就够晒啦，有卡位，有圆枱。逼喺逼啲，地尽其用，小店生存喺咁架啦！
嚟食晏通常都唔谂，「精选午餐」3拣1费事烦。是日选择喺红烧豆腐班腩饭（$35）、照烧鸡扒饭（$37）及干烧虾仁伊面（$39），无餐汤，只包热饮，冻饮加$2，额外加汤又$2，拣特饮半价。
红烧豆腐班腩饭 $35茶记嘅碟头饭，胜在饭多，因为好多工人会嚟帮衬，又或一家三口，两个餐三个人食。豆腐同班腩份量相约，无揾笨豆腐多班腩少，正如上文所言，味道稳打稳扎，最起码个茨唔会煮到似胶水咁，而且个豆腐里面又几滑。
奶茶茶记餐饮嘅不二之选，真喺无可否认，茶记冲嘅奶茶宁舍有茶味，而且又够滑身。味味佳嘅奶茶，亦都唔错，茶香质滑。
老婆一向都喺讲健康嘅人，上次嚟见有个泡饭套餐（$34-$40），所以，介绍俾佢试，应该啱佢口味。8款泡饭中，果然，拣咗个非常健康嘅鲜杂菌豆腐泡饭，同样，包一杯热饮。
鲜杂菌豆腐泡饭 $34杂菌、豆腐铺满碗面，绝无欺场，豆腐嫩滑，又有好多菇菌，非常健康，配上鸡汤底嘅泡饭，相对清淡得嚟又唔会太寡。
柠水讲明佢钟意健康啲，热柠水成为佢嘅不二之选，只喺觉得饮热柠水最唔抵，我返屋企冲俾佢都得啦，哈哈！
好好丑丑又一餐，但大家都食得满意呀，别忘记，只喺几十蚊嘅消费！
张贴
