遇見小麵 (黃埔天地奇妙坊(第1期))

营业中

休息中

内地人气品牌杀到红磡！主打多款地道重庆小面，采用当地常见嘅食材，制作出最正宗嘅美食。主食可因应客人口味选择，有辣有唔辣，老少咸宜，价钱亲民，地点方便，值得到访。主食要咗葱油拌面，份量十足，面条软硬度适中，调味啱啱好，另可加配料，有青菜、卤蛋、擂椒、软骨丸子、鸭血等款色，落埋出面自助区嘅黄金脆脆豆令到整体口感升华！葱酥骨汤抄手同样出色，一口一粒，皮薄馅靓，唔食得辣嘅可以叫。小食款色众多，脆皮半只鸡外脆内嫩、鸡排炸至酥脆可口、饺子又大又脆身、葱油饼食落唔油腻。锅巴土豆都唔错，外层够薄，内里软糯可口，真材实料。最后试埋呢度嘅饮品同甜点，有白玉厚椰乳同白玉酸梅汤，前者可解辣，后者可解腻，两款都有冰粉，口感十足，性价比高。