海底撈火鍋 (利舞臺廣場)

营业中

休息中

海底捞相信系唔少人北上深圳"To eat list"嘅其中一项，我自己喺大陆唔少城市都食过，事关咁大牌子嘅连锁店，食物品质有保证，而且服务质素亦系非常周到！估唔到香港已经开咗第二间分店，等我又试下先！我六点半嚟到铜锣湾分店，好彩我地book咗枱咋，事关听店员讲已经要排队等两个小时以上！同大陆一样，排队嘅时候，亦有水果、零食、汤水提供，又或者排队试下美甲服务！今次点了4枱汤底，而有种食法系网上流传嘅，就系其中两间系清水！咁我嘅麻辣汤底+蕃茄汤底就比鸳鸯汤底足足平咗$70啦～（笔记笔记）之后就随心点了唔少肉类同配料：滑牛肉、牛小排、虾滑、毛肚、豆腐、豚肉、生菜、响铃...喺香港嘅火锅，通常都会见到牛柏叶，反而少食毛肚，但我觉得呢到嘅毛肚几特别，店员话只系煮10-20秒已经食得，食落几爽口，脆脆哋。之后想推荐下牛小排，佢系已经事先腌过，食嚟似牛腩，煮下佢几分钟已经好淋，唔错。呢到嘅服务真系唔错，不时都有店员协助我地，食食下饭竟然有拉面表演、变脸表演，睇得出大家都食到好欢乐啊。