太二老壇子酸菜魚

营业中

休息中

太二酸菜鱼出咗名嘅好味，唔洗排长龙就有得食，一定要黎香港店铺试试。香港太二都好full下，唔想排队，可以试试经香港门店网站定位啦。香港装修同内地差唔多，不过茶水间就差好远，只得洛神花同陈皮，不过胜在免费。食饭前可以抽只签，一定要抽中大吉！脆椒小皮蛋，小皮蛋全部溏心，一口一个，烧椒同皮蛋好夹，好食。藤椒捞汁海鲜鸡，好经典搭配，有小蛏子，虾同手撕鸡等，酱汁酸辣为主带少少藤椒味，食落好惹味。自肥老妈蹄花，系香港比较少见嘅前菜。蹄花就系香港猪手，煲制得好软嫩，搭配埋酱汁一齐食，满满骨胶原。老坛子酸菜鱼1-2人份，分量真啲好大，鱼片片得好薄身，食落冇骨入口即化。 太二嘅酸菜好出名，食落酸咸合适同埋劲脆口，比一般酸菜鱼里面啲酸菜口感要好。同埋酸菜鱼要好味，汤底一定唔可以差。太二汤底饮得出系用足料煲制，酸辣鲜甜，饮完唔会口渴。西瓜椰椰冰粉，落咗椰子片，小丸子同西瓜粒，冰粉都有两种，传统冰粉同椰子味冰粉，整体食落好清爽。太二香港同之前深圳食嘅味道一样，最难得系唔贵，比起香港周街3XX酸菜鱼，真系抵食。