新泰東南亞餐廳 (已結業)

之前听过几个朋友介绍过呢间东南亚餐厅今口终于有机会试下，上到餐厅系大堂装修充满东南亚风味，室内空间宽阔。最近天气咁热同朋友各点一杯饮品消暑解热，珍多冰椰奶底香又唔太甜，内里斑兰啫喱Q弹。龙眼冰系餐厅推介，龙眼肉大大粒清甜。东南亚菜必点既串烧沙嗲$78(半打)价钱抵食。平时最怕肉质烧到好干好难由竹签咬开串烧肉但呢一份串烧串烧外层微焦得黎唔会好干又易咬开，满意👍🏻软壳蟹米纸卷又有芒果同牛油果，清爽得黎又健康，好适合咁热无咩胃口既天气，一啖一旧啱啱好。天气太热胃口唔太大最后就点多一款主菜胡椒大虾，大虾虾头炸得好脆口内里仲有少少虾膏慢慢品尝。