影片
更多
2021-04-12
245 浏览
香港食泰国菜嘅地方多的是，但装修靓靓嘅泰国菜馆就比较少见🇹🇭，位于尖沙咀海港城嘅「Lady Nara」正正就系一个好例子。平日晚市都排哂长龙，人气超高的！餐厅有名你叫Lady，行粉红少女风格调可算系意料之内💕，四周围都好适合打卡啊。虽然未食饱，但我心情已经好愉快。虽然话呢度系泰国餐厅，但其实卖嘅菜式系偏向泰式西餐，例如主菜系西式嘢：意粉同意大利饭，再加入冬荫功同咖哩等泰式元素。简单啲讲即系Fusion菜😂。薄切鲜带子配三文鱼子及香草酱($158)，带子系薄切，所以就无乜口感可言🙈，不过主要系食佢个味嘛。清新嘅香草酱同富有咸香嘅三文鱼子相映成趣，出奇地佢哋嘅味咁突出都无盖过带子嘅鲜味，整体算系几开胃嘅前菜。菠萝牛肉他他配甜酸蛋黄酱($108)，今次系我第一次食牛肉他他🐮，心入面都有啲紧张，唔知接唔接受到。不过食落无乜嘢，一啲腥味或怪味都无，肉质唔韧、无筋，仲同呑拿鱼他他有几分相似添，中间混入咗菠萝粒亦几得意。甜酸蛋黄酱原来有啲辣味🌶，唔系单单作伴碟咁简单。烧USDA Prime牛肩扒拼珍宝龙虾尾配薯条($298)，餐牌写件扒系10安士真系无呃人，我觉得甚至更重磅！🥩厚厚嘅牛肩扒烧得好好，
香港食泰国菜嘅地方多的是，但装修靓靓嘅泰国菜馆就比较少见🇹🇭，位于尖沙咀海港城嘅「Lady Nara」正正就系一个好例子。平日晚市都排哂长龙，人气超高的！
餐厅有名你叫Lady，行粉红少女风格调可算系意料之内💕，四周围都好适合打卡啊。虽然未食饱，但我心情已经好愉快。
虽然话呢度系泰国餐厅，但其实卖嘅菜式系偏向泰式西餐，例如主菜系西式嘢：意粉同意大利饭，再加入冬荫功同咖哩等泰式元素。简单啲讲即系Fusion菜😂。
薄切鲜带子配三文鱼子及香草酱($158)，带子系薄切，所以就无乜口感可言🙈，不过主要系食佢个味嘛。清新嘅香草酱同富有咸香嘅三文鱼子相映成趣，出奇地佢哋嘅味咁突出都无盖过带子嘅鲜味，整体算系几开胃嘅前菜。
菠萝牛肉他他配甜酸蛋黄酱($108)，今次系我第一次食牛肉他他🐮，心入面都有啲紧张，唔知接唔接受到。不过食落无乜嘢，一啲腥味或怪味都无，肉质唔韧、无筋，仲同呑拿鱼他他有几分相似添，中间混入咗菠萝粒亦几得意。甜酸蛋黄酱原来有啲辣味🌶，唔系单单作伴碟咁简单。
烧USDA Prime牛肩扒拼珍宝龙虾尾配薯条($298)，餐牌写件扒系10安士真系无呃人，我觉得甚至更重磅！🥩厚厚嘅牛肩扒烧得好好，外层有微微炭烧嘅香气，切开后更能确定生熟度系符合我哋要求嘅五成，所以锁住咗肉汁，牛味亦都浓郁，高质😋。龙虾尾系好大只，但调味较淡，只食得出佢弹牙嘅口感，幸好菜式附上一个类似冬荫功汤嘅汁，帮补不少。配菜除咗有薯条外🍟，仲有唔少蔬菜，包括芦笋、粟米笋同蕃茄。
泰式奶茶意大利芝士饼
$88
8 浏览
0 赞好
0 留言
泰式奶茶意大利芝士饼($88)，作为提拉米苏专员嘅我，除咗原味外，亦都试过唔同口味嘅Tiramisu，但奶茶味就未曾一尝，因为市面上亦都唔多😬。Tiramisu以杯装上，所以造型而言有丁点儿失色，不过味道就系非一般好食！估唔到用奶茶顶替咖啡有咁出色嘅效果，我自己更加钟意呢个口味，皆因免却咗咖啡嘅苦，🥛奶茶味重奶香，但又唔会太甜。同时，酒味亦都欠奉，正正变得更加老少咸宜。呢个泰式奶茶Tiramisu绝对令我印象深刻，独特新颖嘅奶茶味配合埋传统湿湿绵绵嘅口感，好想一食再食啊🤤 。
总括嚟讲，💃 Lady Nara内外兼备，食物出品同环境装修都令人满意，菜式嘅摆盘亦明显有花上心思。以泰菜嚟讲，佢可能系偏贵少少，但换个角度谂佢系西餐又好似OK👌，哈哈。即使佢定价高，但起码畀足份量你，大大份，一定够饱！
张贴
