愛 . 添 (已結業)

山长水远去到屯门，梗系要食餐好，夜晚同朋友食完个米线，行咗过去其中一间甜品舖，试咗呢度比较有特式嘅甜品。呢度嘅甜品款式好多，花多眼乱真系好难拣仲有啲来自台湾嘅特式小吃，包括台湾肠同埋盐酥鸡蜜糖鸡中翼，佢哋三个小食，可以当作一个拼盘咁叫，仲系即叫即炸，非常新鲜，台湾肠都有唔同嘅款式，有黑肠同埋另外一款，食落去嘅时候好滋味上面又有一啲香料配搭脆口热辣辣。个鸡翼真系好正，用的淹料好香，加少少蜜糖会唔会太过热气。饮埋呢度嘅特别嘢饮，试咗佢个综合水果茶同埋爱芒芝芝，超好饮，口感拍得住另外一间大型连锁店！芝士好浓厚，有丰富嘅奶泡，加埋芒果肉，诚意十足。综合水果茶亦非常有声有色，色彩缤纷呢。