Towngas Avenue Cafe (已結業)

假期约左朋友食tea, 亦都系果日既第一餐, 所以都几肚饿, 坐低见到个二人前tea set, 唔好谂咁多喇, 就佢啦.卖相靓系意料中事, 不过经验话我知, 呢d tea set既食物通常系大量制作同摆左好耐, 所以我都无好大期望. 咸点放左响中层, 先食烟三文鱼面包, 无咩特别; 焗芝士磨菇多士好似好油腻咁, 又唔热, 但原来味道几好㖞; 芝士条质地太实, 芝士味浓但唔香, 一般.跟住进攻下层既甜点, 杂莓拿破仑摆左咁耐, 个酥皮当然唔会松脆, 但好彩都唔韧, ok㖞; 草莓松饼亦唔错; 芝士饼好滑亦几浓, 意料之外; 朱古力cr𫓶e brulee又系滑, 朱古力味自己觉得恰到好处, 食左咁多甜野都唔觉佢漏(即系有d人会认为佢唔够浓).Order左杯咖啡, 系带苦味果只, not my cup of coffee, 不过伴著顶层果件质地松散得黎又几得意既曲奇食, 都好满足.服务方面, 虽然未满座, 但人手都唔够, 坐低好耐落埋order先斟水同摆餐具.呢度既tea set都算内外兼备, 食得过, 尤其岩钟意甜品既人.