影片
更多
2012-02-12
29 浏览
提前同爱人庆祝情人节,梗系想揾西餐食配合吓主题啦. Smart Pepperoni Pizza 已经唔系第一次帮衬, 午餐晚餐都试过,午餐价钱亦见向上调整左几次,以前食八吋PIZZA午餐都只系HKD48,通胀,无计! 而且好多街坊食店都喺新年后加左价, 三十几蚊个餐又系加几蚊,四十几蚊个餐又系加几蚊,所以都系拣Smart Pepperoni Pizza , 计落个加幅百份比相对少D嘛, 哈哈 平时两个人会点个PIZZA餐 + 焗猪扒饭餐, 为左响应情人节的主题,今次豪豪地点左个八吋PIZZA餐 + JUMBO汉堡包餐. 午餐先嚟多士同沙律(或者餐汤). 蒜香多士热烘烘的,沙律菜亦见新鲜脆口,Caesar Salad汁平均分怖喺每片菜上.千奇唔好嫌弃份量少呀,因为好戏在后头.午餐主菜接力上系八吋PIZZA. PIZZA有好多款可以喺餐牌任拣,款款都好好味,好有HOMEMADE FEEL唔似得大型连锁集团的厂制品油油淋.今次点左烟三文鱼PIZZA.以前食过淡茂茂,今次重食爱人劲赞.芝士份量多了,配上茄酱同份量十足的三文鱼,YUMMY!PIZZA批底唔系油油淋的厚批底,食完唔会太漏.记得衬热
平时两个人会点个PIZZA餐 + 焗猪扒饭餐, 为左响应情人节的主题,今次豪豪地点左个八吋PIZZA餐 + JUMBO汉堡包餐.
午餐先嚟多士同沙律(或者餐汤). 蒜香多士热烘烘的,沙律菜亦见新鲜脆口,Caesar Salad汁平均分怖喺每片菜上.千奇唔好嫌弃份量少呀,因为好戏在后头.
午餐主菜接力上系八吋PIZZA. PIZZA有好多款可以喺餐牌任拣,款款都好好味,好有HOMEMADE FEEL唔似得大型连锁集团的厂制品油油淋.今次点左烟三文鱼PIZZA.以前食过淡茂茂,今次重食爱人劲赞.芝士份量多了,配上茄酱同份量十足的三文鱼,YUMMY!PIZZA批底唔系油油淋的厚批底,食完唔会太漏.记得衬热食系最好的,因为冻左或者会觉得硬左D.
另一个主菜系JUMBO汉堡包. 汉堡包可以拣猪牛羊鸡,之前食过牛汉堡包,略干, 今次的羊汉堡包依旧系以大大份作为卖点.汉堡包的包包我估系嘉顿出品(因为见过佢装包的货架有嘉顿LOGO)质素有一定的水准,而且包上面的芝麻喺包包烘热过之后散发住好香的芝麻味,包面脆脆的,包内软软的.就连唔钟意食包的妈妈上次食过亦话唔难入口,好好0赵.汉堡包入面有生菜蕃茄芝士沙律酱同埋大大件免治羊肉汉堡.个人钟意食淀粉质多过蛋白质,所以对于件羊肉汉堡只能讲句'OK啦',比起上次食的牛汉堡JUICY 系D,但可惜今次羊汉堡的表及底面煎过龙,煎到焦黑㶶㶶地,所以都切要走底面焦㶶部份先食入口.汉堡包餐仲有炸薯条同沙律做配菜,超大份,唔知有无食客会两个人净点一个餐分黎食呢?
经过我哋两口子抱住坚持不浪费的精神,两份主菜终于清枱,可以上餐饮同甜品(芝士旦糕/雪糕)了.餐饮咖啡茶正常啦,冻饮唔使加钱仲要大大杯.Smart Pepperoni Pizza的甜品另一叫人惊喜嘅系雪糕,虽然细细球,但绝对唔系一般的'牛X公司'出品.今次有蓝莓雪糕,有粒粒的蓝莓肉.上次食过芝麻雪糕仲好味,超多脆脆的芝麻粒,食完仲会好多好多粒留喺口度,名乎其实齿颊留香.另一款芝士旦糕亦唔好介意细细件,因为食完主菜已好饱,比太大件都只会更饱,少食多滋味系啱嘅!总括而言,我哋系会继续全力支持充满诚意又抵食夹大件的大角咀街坊餐厅!要揾地方开饭啦的朋友,试下呢度系咪同我地一样可以揾到笑脸啦!
祝大家日日餐餐都系情人节!
张贴
