Le Viet (已結業)

今日同老细喺旺角做完嘢，佢无啦啦话请我食饭，我都有啲受宠若惊，见佢咁有诚意，我都无谓推啦，不过我都冇谂过要食咗佢只车嘅，于是乎就带咗佢上去银行中心嘅Le Viet食个lunch。呢度嘅午餐好抵食，平均都系$70上落，仲有汤同饮品，真系一啲都唔贵，所以午市都好旺场。我就拣咗食串烧配香辣炒饭，串烧set咗系猪、牛、鸡各一串，不过店员都会提一声，如果食客有边款肉类唔食嘅，佢都会按客人意愿换其他串烧，服务称心又细心。我觉得呢一间嘅串烧，无论系鸡、牛、猪，都非常好食，肉质鲜嫩，唔会烧到干争争，再配合埋佢嘅沙嗲酱，真系无得输！至于佢嘅香辣炒饭，系带少少辣，炒饭入面有蔬菜，我就好钟意呢个配搭。老细就拣咗咖喱牛腩锅，贪佢够大推头，仲配一大碗白饭。入面除咗有牛腩之外，亦有牛筋、薯仔、洋葱、三色椒等，非常丰富！咖喱汁非常惹味，捞饭真系一流！呢个牛腩锅上枱时会用熊熊烈火烘住，保证够晒热辣辣，不过太热嘅咖喱其实个味道就更加辣，所以煮滚咗之后，我哋就请店员帮忙整熄个火。老板见到隔离枱叫咗嘅大头虾好吸睛，于是乎佢又话要叫返一份，虽然有啲唔好意思，但系其实我都心思思，影张相打吓卡都好吖嘛！大概等咗20分钟，终于有得