君臨宴會廳

营业中

休息中

果日拆礼物日同屋企一大班人去左呢间君临食晚饭，我都系第一次去咋，个场都好大下㖞，d装修算好正常，有少少简单既装饰啰。呢间君临都系因为我听左收音机讲话佢地既招牌菜系拔丝骨，仲要系食神xx战既作品㖞，当然要试下佢啦，咁其他野又叫左扒豆苗，成家咁多人梗系叫一只烧鹅啦，仲蒸左条大鱼，仲有白灼虾。睇返餐牌至见到个名菜系叫奇脆拔丝骨，又试下有几奇趣先。佢个样有少少似咕噜肉架㖞，但系冇咁深色。放入口佢唔会好热，但系咬入去肉果度系热架，仲有d肉汁响口入面浪浪下架，我估系因为佢先炸好，外面再有冻冰冰既糖衣包住，所以个口感系咁奇趣啰。好啦，到扒豆苗啦，不过不失啦，其实都好难炒得难食既，不过份量好足啰，唔知系咪我对d部长有礼貌呢，哈哈。到重头戏啦，系只烧鹅呀，呢个系最迟上菜架，部长话唔系整定架，所以会耐少少，不过佢上菜既时候又真系见到只鹅系出晒烟个㖞，食落好脆架d皮，我爸爸都话，原来唔止深井有现烧鹅食，君临都有咁话，哈哈。条鱼因为我唔食鱼既，所以我唔知，不过屋企人都话唔差。总结成餐饭系正既，下次我都会黎呢度试埋其他好野Sorry，因为果日冇带相机，所以冇映到相，但系我系专登上黎留个好comment俾佢架。