九份•十分 (河畔花園) (已結業)

睇完其他人的食评后心郁郁想去试下。今日星期六，为了唔洗等咁耐所以6点前去到，等一阵就有位。叫了红烧牛肉面、 台南咖哩鸡翼饭、 盐酥鸡及阿春面线。红烧牛肉面的牛肉都够霖，粗面弹牙，不过汤底可能受酸菜的味道影响，味道怪怪的。台南咖哩鸡翼饭的咖哩似黄咖哩带少少辣，味道唔错。鸡翼亦炸得好好味。仲有少少炸薯角做伴菜。盐酥鸡连阿女都赞好味。餐厅仲提供六种调味粉俾我地加落去食。阿春面线味道一般，无咩特别。最后还叫了黑暗系甜心及红莓蜜糖砖块。黑暗系甜心其实系Oreo沙冰，味道淡左少少，不过小朋友都啱饮。草莓蜜糖砖块最好大碟，吐司底好脆好好味，再加埋 士多啤梨味酱汁及雪糕，爸爸同阿女都大赞好味。埋单三百几都算抵食。总结系全家都满意，会再来食。